HadeethEnc · 1.24.0
„Седуммина ќе бидат под Аллаховата сенка на Денот кога нема да има друга сенка освен Неговата
Available translations
Choose an available translation of this Hadeeth
01
Hadeeth text
Ебу Хурејре, Аллах нека е задоволен со него, пренесува дека Веровесникот, салаллаху алејхи ве селем, рекол: „Седуммина ќе бидат под Аллаховата сенка на Денот кога нема да има друга сенка освен Неговата: праведниот владетел, младичот кој пораснал во ибадет на Аллах, човекот чие срце е приврзано за џамиите, двајца кои се сакаат во името на Аллах – се сретнале поради Него и се разделиле поради Него, човекот кого го повикала жена со углед и убавина, а тој ѝ рекол: ‚Јас се плашам од Аллах‘, човекот кој дал садака тајно – така што левата рака не знае што дала десната, и човекот кој го спомнал Аллах кога бил сам – па му потекле солзи.“
02
Explanation
Веровесникот, салаллаху алејхи ве селем, ја пренесе радосната вест за седум категории верници кои Аллах ќе ги стави во Својата сенка на Денот кога нема да има друга сенка освен Неговата: 1. Праведниот владетел – кој е правичен во себе и не е грешник, не прави зулум и постапува праведно кон своите поданици. Во оваа категорија спаѓа и секој што презел одговорност за нешто од прашањата на муслиманите и притоа постапува праведно. 2. Младичот кој пораснал во ибадет кон Аллах – кој ја поминал младоста и потрошил енергијата во покорност кон Аллах и така го завршил својот живот. 3. Човекот чие срце е приврзано за џамијата – кој, и кога ќе излезе од неа, со срцето останува поврзан со неа, копнее да се врати, поради љубовта и близината што ја чувствува кон џамијата, дури и кога телесно е отсутен поради оправдани причини. 4. Двајца што се сакаат во името на Аллах – се сретнале и се разделиле исклучиво поради верата, и не ја прекинале таа љубов поради нешто од овоземните убавини, сè додека смртта не ги раздвоила. 5. Човекот кого го повикала жена – убава, од угледно семејство и со висок општествен статус – да направат забранет (неморален) чин, но тој одбил и ѝ рекол: „Јас се плашам од Аллах.“ 6. Човекот кој дал садака – малку или многу – и ја сокрил толку што левата рака не знаела што дала десната, без желба некој да го види или пофали. 7. Човекот кој го спомнал Аллах, било во срцето размислувајќи, било со јазикот изговарајќи – кога бил сам, далеку од погледите на луѓето – па од страв и величење на Аллах му потекле солзи.
03
Benefits
Вредноста на спомнатите седум категории и поттик да се следи нивниот пример.
Ибн Хаџер, за зборовите „во Неговата сенка“, вели: „Некои велат дека се мисли на сенката на Аллаховиот Арш, а на тоа укажува хадисот на Селман, кој го пренесува Сеид бин Менсур со добар синџир на пренесувачи а кој гласи: ,Седуммина ќе бидат под сенката на Неговиот Арш.‘“
Ибн Хаџер исто така вели: „Најдобро објаснување за ,праведниот‘ е дека тоа е оној што ги следи Аллаховите наредби – така што секому му го дава неговото право, без претерување и без занемарување. Тој е прв спомнат поради општата корист што ја носи неговата праведност.“
Доблеста и вредноста на чекањето еден намаз по друг.
Имамот Ен-Невеви вели: „Во хадисот има поттик за љубов во името на Аллах и укажува на нејзината голема вредност.“
Во хадисот се спомнуваат положбата и убавината – затоа што луѓето силно копнеат по нив, се стремат кон нив и тешко ги добиваат.
Најдобро е садаката да се дава скришно, бидејќи така се оддалечува човекот од ријалук (претворање). Но, дозволено е да се даде и јавно – доколку се прави искрено, без ријалук, со намера да се поттикнат другите на давање и да се истакне ова исламско обележје.
Овие седум категории ја стекнале оваа голема почест поради својата искреност кон Аллах и затоа што им се спротивставиле на страстите.
Зборовите „седуммина ќе бидат во сенка“ не значат ограничување само на тие – туку има и други луѓе кои Аллах ќе им даде сенка во сенката на Неговиот Арш, иако не се спомнати во овој хадис.
Ибн Хаџер вели: „Во хадисот се спомнуваат мажи, но тоа не значи дека жените се исклучени – тие се вклучени во сите дела што се наведени, освен ако под ,праведен имам‘ се мисли на врховен владетел, бидејќи жената не може да има таква должност. Сепак, ако е одговорна за своето семејство и постапува праведно, таа влегува во општото значење. Исклучена е и особината на поврзаност со џамијата, бидејќи за жената е подобро да клања дома. Но, во сите други својства жените можат да учествуваат – па дури и во примерот со жената што го повикува мажот: можеби ќе има жена што ќе биде повикана од угледен и убав маж, а таа ќе се воздржи поради страв од Аллах, и покрај нејзината потреба.“
Ибн Хаџер, за зборовите „во Неговата сенка“, вели: „Некои велат дека се мисли на сенката на Аллаховиот Арш, а на тоа укажува хадисот на Селман, кој го пренесува Сеид бин Менсур со добар синџир на пренесувачи а кој гласи: ,Седуммина ќе бидат под сенката на Неговиот Арш.‘“
Ибн Хаџер исто така вели: „Најдобро објаснување за ,праведниот‘ е дека тоа е оној што ги следи Аллаховите наредби – така што секому му го дава неговото право, без претерување и без занемарување. Тој е прв спомнат поради општата корист што ја носи неговата праведност.“
Доблеста и вредноста на чекањето еден намаз по друг.
Имамот Ен-Невеви вели: „Во хадисот има поттик за љубов во името на Аллах и укажува на нејзината голема вредност.“
Во хадисот се спомнуваат положбата и убавината – затоа што луѓето силно копнеат по нив, се стремат кон нив и тешко ги добиваат.
Најдобро е садаката да се дава скришно, бидејќи така се оддалечува човекот од ријалук (претворање). Но, дозволено е да се даде и јавно – доколку се прави искрено, без ријалук, со намера да се поттикнат другите на давање и да се истакне ова исламско обележје.
Овие седум категории ја стекнале оваа голема почест поради својата искреност кон Аллах и затоа што им се спротивставиле на страстите.
Зборовите „седуммина ќе бидат во сенка“ не значат ограничување само на тие – туку има и други луѓе кои Аллах ќе им даде сенка во сенката на Неговиот Арш, иако не се спомнати во овој хадис.
Ибн Хаџер вели: „Во хадисот се спомнуваат мажи, но тоа не значи дека жените се исклучени – тие се вклучени во сите дела што се наведени, освен ако под ,праведен имам‘ се мисли на врховен владетел, бидејќи жената не може да има таква должност. Сепак, ако е одговорна за своето семејство и постапува праведно, таа влегува во општото значење. Исклучена е и особината на поврзаност со џамијата, бидејќи за жената е подобро да клања дома. Но, во сите други својства жените можат да учествуваат – па дури и во примерот со жената што го повикува мажот: можеби ќе има жена што ќе биде повикана од угледен и убав маж, а таа ќе се воздржи поради страв од Аллах, и покрај нејзината потреба.“
Attribution
[متفق عليه]
Categories
Share
Share hadeeth
Sharing options · 0 Total shares