„Бев заедно со веровесникот, салаллаху алејхи ве селем, кога пристигнавме до местото каде што луѓето го фрлаа отпадот. Тој изврши мала нужда стоејќи

Хузејфе бин Јеман, Аллах нека е задоволен со него и неговиот татко, пренесува дека бил со Божјиот пратеник, салаллаху алејхи ве селем, кога тој сакал да изврши мала нужда. Отишол до местото каде што луѓето го фрлаат отпадот и песокот што го собираат од своите домови. Уринирал стоејќи, иако вообичаено малата нужда ја извршувал седејќи.

Хузејфе се оддалечил од него, но Пратеникот, салаллаху алејхи ве селем, му рече: „Приближи се!“ Хузејфе се приближил и застанал зад него, до неговите пети, за да му обезбеди прикриеност и да не биде виден во таа состојба.

Потоа Пратеникот, салаллаху алејхи ве селем, земал абдест. Кога стигнал до миењето на нозете, се задоволил со триење (месх) врз мествите – обувки изработени од тенка кожа или сличен материјал што ги покриваат глуждовите – без да ги соблече.