,Читајте го Куранот, зашто на Судниот ден тој ќе дојде како застапник за тие што го читале

Пратеникот, салаллаху алејхи ве селем, поттикнал на редовно читање на Куранот, бидејќи тој на Судниот ден ќе се заземе за оние што го читаат и се придржуваат кон неговите упатства. Посебно ја истакнал вредноста на сурите Ел Бекаре и Али Имран, нарекувајќи ги „двете светлини“ поради нивната светлина и упатство. Нивната награда и корист – преку читањето, размислувањето за нивните значења и постапувањето според нивните прописи – на Судниот ден ќе дојдат како два облака или слично на нив, или како две групи птици со раширени крилја што се надоврзуваат една на друга, правејќи сенка за, и бранејќи го оној што ги читал. Потоа, салаллаху алејхи ве селем, уште еднаш ја нагласил важноста на постојаното читање на сурaта Ел Бекаре, нејзиното разбирање и примена на нејзините упатства, истакнувајќи дека тоа носи голем благослов и корист и на овој свет и на Ахиретот. Напуштањето на оваа сура е причина за загуба и жалење на Судниот ден, а меѓу нејзините посебни вредности е и тоа што маѓепсниците не можат да му наштетат на оној што ја чита.