Na Lapi na oyo molimo ya Muhammad ezali na Loboko na ye, nkopo na yango eleki motángo ya minzoto ya mapata mpe ba étoiles na yango

Profeta (s.a.w) alapaki ndai ete ba nkopo oyo ezali na libulu ya mai (haudu) na ye na mokolo ya lisekwa ekozala ebale koleka motango ya minzoto mpe ba planètes na mapata. Yango emonanaka na butu ya molili, oyo sanza ezangi. Mpamba te na butu oyo sanza ezali kongenga, minzoto emonanaka te mpo lumière ya sanza ezipaka, mpe ba étoiles ezalaka te; Mpamba te kozala ya sanza epekisaka moto amona minzoto, Mpe ete ba nkopo ya Paradis, moto nyonso oyo akomela na mai oyo ezali na kati na yango akoyoka mposa ya mai ata moke te, mpe yango ekozala likambo ya nsuka oyo momeli akokutana na yango na mposa ya mai. Mpe ete mai na yango ezali na bibale mibale ya likoló oyo ezali kosopana kati na yango, mpe bonene na yango ekokani na bolai na yango. Citerne yango ezali na ba angles ndenge moko, bolai na yango ekokani na ntaka oyo ezali kati na Amman, oyo ezali engumba moko na Balqa na Levant, tii na Ayla, oyo ezali engumba oyo eyebani mingi na nsonge ya Levant, Mai oyo ezali na kati ya haudhu, yango ezalaka mpembe koleka miliki, mpe elengi na yango ezalaka elengi koleka mafuta ya nzoi.