پێغەمبەر -صلى اللە علیە وسلم- لە دوو ڕکاتی سوننەتی پێش نوێژی بەیانیدا: ﴿قُلْ يَا أَيُّهَا الْكَافِرُونَ﴾ و ﴿قُلْ هُوَ اللهُ أَحد﴾ی دەخوێند

سوننەتە ئەم دوو سوڕەتە بخوێندرێت لە پاش سورەتی -الفاتحة-؛ لە دوو ڕكاتی سوننەتی پێش نوێژی بەیانی.
ئەم دوو سورەتە پێیان دەووترێـت دوو سوڕەتی -الإخلاص-؛ چونكە سورەتی -الكافرون- خۆدابڕان وبەرائەتی تێدایە لە هەموو شتێك كە موشریكەكان دەیپەرستن جگە لە خوای گەورە، وئەوان بەندەی الله نین چونكە شیرك وهاوبەش بڕیاردانیان دەبێتە هۆی پوچەڵبوونەوەی كردەوەكانیان، والله -سبحانه وتعالی- تەنها ئەوە شایستەی پەرستن، هەروەها سورەتی -الإخلاص- وەكو ڕوونە تەوحیدی -بەتاكدانانی- الله ودڵسۆزبوون بۆ ئەوی تێدا باسكراوە لەگەڵ ڕوونكردنەوەی سیفەتەكانی.