لەگەڵ پێغەمبەر -صلى اللە علیە وسلم- نوێژم کرد، كاتێك سەلامی دەدایەوە بە لای ڕاستیدا؛ دەیفەرموو: (السَّلَامُ عَلَيْكُمْ وَرَحْمَةُ اللَّهِ وَبَرَكَاتُهُ)، وكاتێك سەلامی دەدایەوە بە لای چەپیدا؛ دەیفەرموو: (السَّلَامُ عَلَيْكُمْ وَرَحْمَةُ اللَّهِ)

هەردوو سەلامدانەوەكە لەپاش تەواوبوونی نوێژ؛ یەكێكە لە پایەكانی نوێژ.
ڕێگەپێدراوە هەندێک کات زیادەی (وبركاته) بڵێت لە کاتی سەلامدانەوەدا، و پێغەمبەر -صلى اللە علیە وسلم- بەردەوام نەیدەووت.
ووتنی هەردوو سەلامدانەوەكە لەپاش تەواوبوونی نوێژ؛ واجبە، بەڵام ئاوڕدانەوە لەكاتی ووتنی سەلامدانەوەكان؛ سوننەتە.
پێویستە بڵێت: (السلام عليكم ورحمة الله) لەكاتی ئاوڕدانەوەدا؛ نابێت لە پێش یان لە پاش سەلامدانەوە بیڵێت.