'ಖಂಡಿತವಾಗಿಯೂ ಇಹಲೋಕದಲ್ಲಿ ಜನರನ್ನು ಶಿಕ್ಷಿಸುವವರನ್ನು ಅಲ್ಲಾಹು ಶಿಕ್ಷಿಸುತ್ತಾನೆ'

ಜಿಝ್ಯಾ ಎಂದರೆ: ಇಸ್ಲಾಮೀ ನಾಡಿನಲ್ಲಿ ಅವರ ರಕ್ಷಣೆ ಮತ್ತು ವಾಸಕ್ಕೆ ಪ್ರತಿಯಾಗಿ, ಪ್ರಬುದ್ಧ, ಶ್ರೀಮಂತ 'ಅಹ್ಲುಲ್ ಕಿತಾಬ್' (ಗ್ರಂಥದ ಅನುಯಾಯಿ) ಪುರುಷರ ಮೇಲೆ ವಿಧಿಸಲಾಗುವ ಒಂದು ತೆರಿಗೆ.
ಶರೀಅತ್ ಸಮ್ಮತ ಕಾರಣವಿಲ್ಲದೆ ಜನರನ್ನು, ಅವರು ಸತ್ಯನಿಷೇಧಿಗಳಾಗಿದ್ದರೂ ಸಹ, ಶಿಕ್ಷಿಸುವುದು ನಿಷಿದ್ಧವಾಗಿದೆ (ಹರಾಮ್).
ಅನ್ಯಾಯಗಾರರಿಗೆ ಅನ್ಯಾಯ ಮಾಡುವುದರ ಬಗ್ಗೆ ಎಚ್ಚರಿಕೆ ನೀಡಲಾಗಿದೆ.
ಅಲ್ಲಾಹನ ಸಂದೇಶವಾಹಕರ (ಅವರ ಮೇಲೆ ಅಲ್ಲಾಹನ ಕೃಪೆ ಮತ್ತು ಶಾಂತಿಯಿರಲಿ) ಸಹಾಬಿಗಳು ಒಳಿತನ್ನು ಆದೇಶಿಸುವುದು ಮತ್ತು ಕೆಡುಕನ್ನು ನಿಷೇಧಿಸುವುದಕ್ಕೆ ಬದ್ಧರಾಗಿದ್ದರು.
ಇಮಾಮ್ ನವವಿ ಹೇಳುತ್ತಾರೆ: "ಇದು ಅನ್ಯಾಯವಾಗಿ ನೀಡುವ ಶಿಕ್ಷೆಗೆ ಅನ್ವಯಿಸುತ್ತದೆ. ನ್ಯಾಯಯುತವಾಗಿ ನೀಡಲಾಗುವ ಶಿಕ್ಷೆಯು ಇದರಲ್ಲಿ ಸೇರುವುದಿಲ್ಲ. ಉದಾಹರಣೆಗೆ 'ಖಿಸಾಸ್' (ಪ್ರತೀಕಾರ), 'ಹುದೂದ್' (ಶರೀಅತ್ ನಿರ್ಧರಿಸಿದ ದಂಡನೆಗಳು), ಮತ್ತು 'ತಅ್‌ಝೀರ್' (ನ್ಯಾಯಾಧೀಶರ ವಿವೇಚನೆಗೆ ಬಿಟ್ಟ ಶಿಕ್ಷೆ), ಮುಂತಾದ (ಕಾನೂನುಬದ್ಧ) ಶಿಕ್ಷೆಗಳು.