'ಅಲ್ಲಾಹನ ಶಿಕ್ಷೆಯಿಂದ (ಬೆಂಕಿಯಿಂದ) ನೀವು ಶಿಕ್ಷಿಸಬೇಡಿ'

ಇಸ್ಲಾಂ ಧರ್ಮದಿಂದ ಧರ್ಮಭ್ರಷ್ಟನಾದವನನ್ನು (ಮುರ್ತದ್ದ್) ಕೊಲ್ಲುವುದು ಕಡ್ಡಾಯವಾಗಿದೆ ಎಂಬ ಬಗ್ಗೆ ವಿದ್ವಾಂಸರ ಸರ್ವಾನುಮತವಿದೆ (ಇಜ್ಮಾ). ಆದರೆ ಇದಕ್ಕೆ ಷರತ್ತುಗಳು ಅನ್ವಯವಾಗುತ್ತವೆ ಮತ್ತು ಇದನ್ನು ಮುಸ್ಲಿಮರ ಧಾರ್ಮಿಕ ನಾಯಕ (ಇಮಾಂ) ಅಥವಾ ಆಡಳಿತಗಾರ ಮಾತ್ರ ಮಾಡಬೇಕು (ಸಾಮಾನ್ಯ ಜನರಲ್ಲ).
"ಯಾರು ತನ್ನ ಧರ್ಮವನ್ನು ಬದಲಿಸುತ್ತಾನೋ, ಅವನನ್ನು ಕೊಲ್ಲಿರಿ" ಎಂಬ ಮಾತಿನ ಅರ್ಥವೇನೆಂದರೆ, ಯಾರು ಇಸ್ಲಾಂನಿಂದ ಧರ್ಮಭ್ರಷ್ಟನಾಗುತ್ತಾನೋ ಅವನನ್ನು ಕೊಲ್ಲಿರಿ. ಈ ತೀರ್ಪು ಪುರುಷರು ಮತ್ತು ಮಹಿಳೆಯರಿಗೆ ಸಮಾನವಾಗಿ ಅನ್ವಯವಾಗುತ್ತದೆ.
ಧರ್ಮಭ್ರಷ್ಟನನ್ನು (ಮುರ್ತದ್ದ್) ಅವನ ಧರ್ಮಭ್ರಷ್ಟತೆಯೊಂದಿಗೆ ಇರಲು ಅನುಮತಿಸಲಾಗುವುದಿಲ್ಲ. ಬದಲಿಗೆ ಅವನನ್ನು ಇಸ್ಲಾಂಗೆ ಮರಳಿ ಬರಲು ಆಹ್ವಾನಿಸಬೇಕು. ಅವನು ಒಪ್ಪದಿದ್ದರೆ, ಅವನನ್ನು ಕೊಲ್ಲಲಾಗುತ್ತದೆ.
ಈ ಹದೀಸ್‌ನಲ್ಲಿ ಬೆಂಕಿಯಿಂದ ಶಿಕ್ಷಿಸುವುದರ ನಿಷೇಧವಿದೆ, ಮತ್ತು 'ಹುದೂದ್' (ದಂಡನೆ) ಗಳನ್ನು ಬೆಂಕಿಯ ಮೂಲಕ ಜಾರಿಗೊಳಿಸಲಾಗುವುದಿಲ್ಲ ಎಂದು ತಿಳಿಸಲಾಗಿದೆ.
ಇಬ್ನ್ ಅಬ್ಬಾಸ್ (ಅಲ್ಲಾಹು ಅವರಿಬ್ಬರ ಬಗ್ಗೆ ಸಂಪ್ರೀತನಾಗಲಿ) ರವರ ಶ್ರೇಷ್ಠತೆ, ಮತ್ತು ಅಲ್ಲಾಹನ ಸಂದೇಶವಾಹಕರ (ಅವರ ಮೇಲೆ ಅಲ್ಲಾಹನ ಕೃಪೆ ಮತ್ತು ಶಾಂತಿಯಿರಲಿ) ಹದೀಸ್‌ಗಳ ಬಗ್ಗೆ ಅವರ ಜ್ಞಾನ ಮತ್ತು ತಿಳುವಳಿಕೆಯ ವಿಸ್ತಾರವನ್ನು ತಿಳಿಸಲಾಗಿದೆ.
ಭಿನ್ನಾಭಿಪ್ರಾಯ ಹೊಂದಿದವರನ್ನು ತಿದ್ದುವ ಶಿಷ್ಟಾಚಾರವನ್ನು ಇದರಲ್ಲಿ ತಿಳಿಸಲಾಗಿದೆ.