ಖಂಡಿತವಾಗಿಯೂ ನೀವು ಪರಸ್ಪರ ವಿನಯ ತೋರುವುದು ಕಡ್ಡಾಯವೆಂದು ಅಲ್ಲಾಹು ನನಗೆ 'ವಹೀ' (ದೈವಿಕ ಸಂದೇಶ) ನೀಡಿದ್ದಾನೆ. ಎಲ್ಲಿಯವರೆಗೆಂದರೆ, ಯಾರೊಬ್ಬನೂ ಇನ್ನೊಬ್ಬನ ಮೇಲೆ ಜಂಭ ಕೊಚ್ಚಿಕೊಳ್ಳಬಾರದು, ಮತ್ತು ಯಾರೊಬ್ಬನೂ ಇನ್ನೊಬ್ಬನ ಮೇಲೆ ಅತಿಕ್ರಮಣ ಮಾಡಬಾರದು

ಈ ಹದೀಸ್‌ನಲ್ಲಿ ವಿನಯತೆಯನ್ನು ಅಳವಡಿಸಿಕೊಳ್ಳಲು ಮತ್ತು ಅಹಂಕಾರ ಹಾಗೂ ಜನರ ಮೇಲೆ ಹಿರಿಮೆ ಮೆರೆಯುವುದನ್ನು ಬಿಟ್ಟುಬಿಡಲು ಪ್ರೋತ್ಸಾಹಿಸಲಾಗಿದೆ.
ಅತಿಕ್ರಮಣವನ್ನು ಮತ್ತು ಜಂಭ ತೋರುವುದನ್ನು ನಿಷೇಧಿಸಲಾಗಿದೆ.
ಅಲ್ಲಾಹನಿಗಾಗಿ ವಿನಯ ತೋರುವುದಕ್ಕೆ ಎರಡು ಅರ್ಥಗಳಿವೆ: ಒಂದು ಅಲ್ಲಾಹನ ಧರ್ಮಕ್ಕೆ (ದೀನ್‌ಗೆ) ವಿನಯ ತೋರುವುದು. ಧರ್ಮದ ವಿಷಯದಲ್ಲಿ ಹಿರಿಮೆ ತೋರದಿರುವುದು, ಮತ್ತು ಅದರ ನಿಯಮಗಳನ್ನು ಪಾಲಿಸುವಲ್ಲಿ ಅಹಂಕಾರ ಪಡದಿರುವುದು. ಎರಡು: ಅಲ್ಲಾಹನಿಗಾಗಿ ಅವನ ದಾಸರೊಂದಿಗೆ ವಿನಯ ತೋರುವುದು. ಅದು ಅವರ ಭಯದಿಂದ, ಅಥವಾ ಅವರ ಬಳಿ ಇರುವುದರ ಆಸೆಯಿಂದ ಆಗಿರಬಾರದು. ಬದಲಿಗೆ ಕೇವಲ ಸರ್ವಶಕ್ತನಾದ ಅಲ್ಲಾಹನಿಗಾಗಿ (ವಿನಯ ತೋರುವುದು).