ಕೆನ್ನೆಗೆ ಹೊಡೆಯುವವರು, ಅಂಗಿಯನ್ನು ಹರಿಯುವವರು ಮತ್ತು ಅಜ್ಞಾನಕಾಲದ ಪ್ರಾರ್ಥನೆಗಳನ್ನು ಪ್ರಾರ್ಥಿಸುವವರು ನಮ್ಮಲ್ಲಿ ಸೇರಿದವರಲ್ಲ

ಹದೀಸಿನಲ್ಲಿರುವ ಈ ಎಚ್ಚರಿಕೆಯು ಈ ಕೃತ್ಯಗಳು ಮಹಾಪಾಪಗಳಲ್ಲಿ ಸೇರುತ್ತವೆ ಎಂಬುದಕ್ಕೆ ಪುರಾವೆಯಾಗಿದೆ.
ಕಷ್ಟ ಬರುವಾಗ ತಾಳ್ಮೆ ತೋರುವುದು ಕಡ್ಡಾಯವಾಗಿದೆ ಮತ್ತು ಅಲ್ಲಾಹನ ವಿಧಿಯು ಯಾತನಾಮಯವಾಗಿದ್ದರೆ ಕೋಪಿಸುವುದು ಮತ್ತು ಆ ಕೋಪವನ್ನು ರೋದನದ ಮೂಲಕ, ಶೋಕಗೀತೆ ಹಾಡುವ ಮೂಲಕ, ತಲೆ ಬೋಳಿಸುವ ಮೂಲಕ, ಅಂಗಿಯನ್ನು ಹರಿಯುವ ಮೂಲಕ ಇತ್ಯಾದಿ ಪ್ರಕಟಿಸುವುದು ನಿಷಿದ್ಧವಾಗಿದೆ.
ಶಾಸನಕರ್ತನು ದೃಢೀಕರಿಸದ ಅಜ್ಞಾನಕಾಲದ ಆಚರಣೆಗಳನ್ನು ಅಂಧವಾಗಿ ಅನುಕರಿಸುವುದು ನಿಷಿದ್ಧವಾಗಿದೆ.
ದುಃಖಿಸುವುದು ಮತ್ತು ಅಳುವುದರಲ್ಲಿ ತೊಂದರೆಯಿಲ್ಲ. ಅದು ಅಲ್ಲಾಹನ ವಿಧಿಯ ಬಗ್ಗೆ ತಾಳ್ಮೆ ತೋರುವುದಕ್ಕೆ ವಿರುದ್ಧವಲ್ಲ. ಬದಲಿಗೆ, ಅದು ಹತ್ತಿರದ ದೂರದ ಸಂಬಂಧಿಕರ ಹೃದಯದಲ್ಲಿ ಅಲ್ಲಾಹು ನಿಕ್ಷೇಪಿಸುವ ಕರುಣೆಯಾಗಿದೆ.
ಮುಸಲ್ಮಾನನು ಅಲ್ಲಾಹನ ವಿಧಿ-ನಿರ್ಣಯದ ಬಗ್ಗೆ ಸಂತೃಪ್ತನಾಗಬೇಕು. ಸಂತೃಪ್ತನಾಗಲು ಸಾಧ್ಯವಾಗದಿದ್ದರೂ ತಾಳ್ಮೆ ತೋರುವುದು ಕಡ್ಡಾಯವಾಗಿದೆ.