((هه‌ر كه‌سێ بێژیت: ژ ئه‌لڵاهی پێڤه‌تر چ خودایێن ژ هه‌ژی په‌رستنێ نینن (لَا إِلَهَ إِلَّا اللهُ) و كوفرێ ب هه‌ر تشته‌كێ دی بكه‌ت كو ژ بلی خودێ عیباده‌ت بۆ بهێته‌ كرن؛ هنگی مالا وی و خوینا وی دێ حه‌رام بن، حساب و لێپرسینا وی ژی ل سه‌ر خودێیه‌))

پێغه‌مبه‌ر (صه‌لات و سه‌لامێن خودێ ل سه‌ر بن) به‌حسێ هندێ دكه‌ت كو هه‌ر كه‌سێ بێژیت و ب ئه‌زمانێ خۆ شاهده‌ بده‌ت كو (لا إلهَ إلَّا اللهُ)، ئانكو: ژ ئه‌لڵاهی پێڤه‌تر چ خودایێن ژ هه‌ژی په‌رستنێ نینن و كوفرێ ب هه‌ر تشته‌كێ دی بكه‌ت كو ژ بلی خودێ عیباده‌ت بۆ بهێته‌ كرن و به‌رائه‌تا خۆ ژ هه‌می ئایینان بكه‌ت ژ بلی ئیسلامێ؛ هنگی مالا وی و خوینا وی دێ ل سه‌ر موسلمانان حه‌رام بن، چونكی یا ل سه‌ر مه‌ پێدڤی ب تنێ سه‌رڤه‌هییا كریارانه‌، له‌وا ده‌ست ب سه‌ر مالێ ویدا ناهێته‌ گرتن و خوینا وی ناهێته‌ ڕێتن، ئه‌و نه‌بیت ئه‌گه‌ر تاوانه‌كێ بكه‌ت كو ل دویڤ ئه‌حكامێن ئیسلامێ پێدڤی ب ڤێ چه‌ندێ بكه‌ت.

ل ڕۆژا قیامه‌تێ ژی خودێ دێ لێپرسینێ د گه‌ل وی كه‌ت، ڤێجا ئه‌گه‌ر یێ ڕاست و دروست بیت؛ خودێ دێ وی خه‌لات كه‌ت و ئه‌گه‌ر كه‌سه‌كێ مونافق و دووڕوی بیت؛ دێ وی سزا و عه‌زاب ده‌ت.