لَعْنَةُ اللَّهِ عَلَى اليَهُودِ وَالنَّصَارَى، اتَّخَذُوا قُبُورَ أَنْبِيَائِهِمْ مَسَاجِدَ

عائیشه‌ و ئبن عه‌بباس (خودێ ژ هه‌ردووكان ڕازی بیت) بۆ مه‌ ڤه‌دگوهێزن كو ده‌مێ مرنا پێغه‌مبه‌ری (صه‌لات و سه‌لامێن خودێ ل سه‌ر بن) نێزیك بووی و كه‌ڤتییه‌ د سه‌كه‌راتێن مرنێدا، پارچه‌یه‌كا قوماشی ددانا سه‌ر ڕویێ خۆ، ده‌مێ بێهنا وی ته‌نگ دبوو ژ به‌ر سه‌كه‌را‌تێن مرنێ؛ ئه‌و قوماشه‌ ل سه‌ر ڕویێ خۆ ڕادكر و د وێ ڕه‌وشا گراندا گۆت: خودێ نه‌فره‌تێن خودێ ل جوهی و فه‌له‌یان بن ژ دلوڤانییا خودێ دویرببن ؛ ژ به‌ر كو وان ل سه‌ر قه‌برێن پێغه‌مبه‌رێن خۆ مزگه‌فت ئاڤاكرن، و ئه‌گه‌ر ئه‌ڤ چه‌نده‌ یا مه‌زن و مه‌ترسیدار نه‌با؛ پێغه‌مبه‌ری د وێ ڕه‌وشا گراندا به‌حس نه‌دكر، له‌وا پێغه‌مبه‌ری (صه‌لات و سه‌لامێن خودێ ل سه‌ر بن) ئوممه‌تا خۆ ژ هندێ پاشڤه‌بر كو وه‌كی وان بكه‌ن، چونكی ئه‌ڤه‌ كارێ جوهی و فه‌له‌یانه‌ و ڕێكه‌كه‌ مرۆڤی دگه‌هینیته‌ شركێ بۆ خودایێ مه‌زن.