ئانكو: ((ئێك ژ هه‌وه‌ باوه‌رییێ نائینیت، هه‌تا ئه‌وا وی بۆ خۆ دڤێت؛ بۆ برایێ خۆ ژی بڤێت))

پێدڤییه‌ ئه‌و تشتێ مرۆڤی بۆ خۆ دڤێت؛ بۆ برایێ خۆ ژی بڤێت، چونكی نه‌هێلان و ڕەدکرنا باوه‌رییێ ل سه‌ر وی كه‌سێ ئه‌وا بۆ خۆ دڤێت؛ بۆ برایێ خۆ ژی نه‌ڤێت؛ نیشان و به‌ڵگه‌یه‌ ل سه‌ر پێدڤیبوونا ڤێ چه‌ندێ.
براینییا بۆ خودێ یا د سه‌ر براینییا نه‌سه‌ب و خوینێدا، ژ به‌ر هندێ ژی مافێ وێ بلندتر و ل پێشتره‌.
حه‌رامكرنا هه‌ر تشته‌كێ دژی ڤێ حه‌زژێكرنێ ڕاوه‌ستیت ژ گۆتن و كریاران، وه‌كی غش و فێلبازی و غه‌یبه‌ت و حه‌سویدیی و دوژمنكاری و ده‌ستدرێژیكرنا ل سه‌ر كه‌سێ موسلمان یان ده‌ستدرێژیكرنا ل سه‌ر مالێ وی یان نامویس و كه‌رامه‌تا وی.
بكارئینانا هنده‌ك په‌یڤێن هانده‌ر و پالده‌ر ل سه‌ر كرنا كاری، ژ به‌ر گۆتنا وی: (بۆ برایێ خۆ).
كیرمانی (خودێ دلۆڤانییێ پێ ببه‌ت) دبێژیت: هه‌ر دیسان ژ باوه‌رییێیه‌ كو ئه‌و خرابییا مرۆڤی بۆ خۆ نه‌ڤێت؛ بۆ برایێ خۆ ژی نه‌ڤێت، و به‌حسێ ڤێ نه‌كر؛ چونكی ڤیان و حه‌زژێكرنا تشتی؛ دخوازیته‌ كه‌ربڤه‌بوونا ژ دژی وی، له‌وا پێدڤی نه‌كر ڕاسته‌وخۆ وێ چه‌ندێ بێژیت، چونكی ب به‌حسكرنا یا دی ئه‌و ژی ڕۆهن بوو.