((زه‌لامه‌ك هه‌بوو ده‌ین ددانه‌ خه‌لكی، ڤێجا دگۆته‌ وی كه‌سێ ل ده‌ڤ وی كار دكر: ئه‌گه‌ر تو (ب مه‌به‌ستا وه‌رگرتنا ده‌ینی) چوویه‌ ده‌ڤ كه‌سه‌كی و ته‌ دیت یێ ده‌ستكورته‌ و ڕه‌وشا وی نه‌یا باشه‌؛ هنگی تو ل وی ببووره‌، دا به‌لكی خودێ ژی ل مە ببووریت

پێغەمبەر (صەلات و سەلامێن خودێ ل سەر بن) به‌حسێ زه‌لامه‌كی دكه‌ت كو ده‌ین دداننه‌ خه‌لكی، یان وه‌سا تشت دفرۆتنه‌ خه‌لكی كو پشتی هنگی بهایێ تشتی بۆ بینن، و وی زه‌لامی دگۆته‌ خزمه‌تكارێ خۆ یێ كو ده‌ینێن وی ژ خه‌لكی وه‌ردگرتن: ئه‌گه‌ر تو چوویه‌ ده‌ڤ ده‌ینداره‌كی و ژ به‌ر ده‌ستكورتییێ؛ چ د ده‌ستێن ویدا نه‌بوو كو ده‌ینێ خۆ پێ بده‌ت، هنگی تو ل وی ببووره‌، ڤێجا یان ب خۆلێگرتنا ل وی و كو به‌رده‌وام داخوازا ده‌ینی ژ وی نه‌كه‌ی، یان ژی ب ڕازیبوونا ب وی تشتێ وی هه‌ی، خۆ ئه‌گه‌ر یێ ته‌مام نه‌بیت و هنده‌ك یێ ژێ كێم ژی بیت، ئه‌ڤه‌ ژی وه‌ك حه‌ز و هیڤییه‌ك كو خودێ ژی ل وی ببووریت و گونه‌هێن وی ژێببه‌ت، گاڤا ئه‌و زه‌لام مری؛ خودێ ل وی بووری و گونه‌هێن وی ژێبرن.