بـنڤیسه‌، چونكی ئه‌ز ب وی خودایی كه‌مه‌ یێ نه‌فسا من د ده‌ستێ ویدا، چ تشت ژ ڤی ده‌ڤی ده‌رناكه‌ڤیت ئه‌گه‌ر حه‌قی نه‌بیت))

عه‌بدولڵاهێ كوڕێ عه‌مری (خودێ ژێ ڕازی بیت) گۆت: هه‌ر تشته‌كێ من ژ پێغه‌مبه‌ری (صه‌لات و سه‌لامێن خودێ ل سه‌ر بن) گوهـ لێ بووبا دنڤێسی دا كو ب ڕێكا نڤێسینێ بۆ خۆ ژبه‌ر بكه‌م، به‌لێ هنده‌ك زه‌لامان ژ قوڕه‌یشییان ئه‌ز پاشڤه‌برم و گۆتن: پێغه‌مبه‌ر (صه‌لات و سه‌لامێن خودێ ل سه‌ر بن) مرۆڤه‌ و ده‌مێ كه‌یفخۆشی و توڕه‌بوونێ ژی دئاخڤیت و دبیت خه‌له‌تییێ ژی بكه‌ت، ڤێجا من ده‌ست ژ نڤێسینێ به‌ردان.

پاشی من بۆ پێغه‌مبه‌ری (صه‌لات و سه‌لامێن خودێ ل سه‌ر بن) گۆت كا وان چ گۆتییه‌ من، وی ژی ب تبلێن خۆ ئیشاره‌ت بۆ ده‌ڤێ خۆ كر و گۆت: بـنڤیسه‌، چونكی ئه‌ز ب وی خودایی كه‌مه‌ یێ نه‌فسا من د ده‌ستێ ویدا، د هه‌می ڕه‌وش و ده‌ماندا چ تشت ژ ڤی ده‌ڤی ده‌رناكه‌ڤیت ئه‌گه‌ر حه‌قی نه‌بیت، چ د ده‌مێ كه‌یفخۆشییێ دا بیت یان یێ توڕه‌بوونێ.

و ب ڕاستی خودایێ مه‌زن ده‌رباره‌ی پێغه‌مبه‌رێ خۆ (صه‌لات و سه‌لامێن خودێ ل سه‌ر بن) گۆتییه‌: ئانكو: ((و پێغه‌مبه‌ر ژ ده‌ڤ خۆ نائاخڤیت * به‌لكی ئه‌و ئاخڤتنه‌ وه‌حییه‌كه‌ بۆ دهێته‌ هنارتن)) [النجم ۳-٤].