((خۆ فێری زانینێ نه‌كه‌ن دا شانازییێ بۆ خۆ پێ ل ده‌ڤ زانایان بكه‌ن و دا گه‌نگه‌شیێ بۆ خۆ پێ د گه‌ل نه‌زانان بكه‌ن

پێغه‌مبه‌ری (صه‌لات و سه‌لامێن خودێ ل سه‌ر بن) هشیاركرن ژ هندێ كر مرۆڤ داخوازا زانینێ بكه‌ت دا شانازی و فه‌خرێ بۆ خۆ پێ ل سه‌ر زانایان ببه‌ت و دا وه‌سا بۆ وان دیار بكه‌ت كو ئه‌ز ژی وه‌كی هه‌وه‌ كه‌سه‌كێ زانامه‌، یان ژی دا بچیت پێ د گه‌ل كه‌سێن نه‌زان و كێمئه‌قل باخڤیت و گه‌نگه‌شێ د گه‌ل وان بكه‌ت، یان ژی خۆ فێری زانینێ بكه‌ت دا ل سه‌رێن دیوانان ڕوینیته‌ خوار و ل سه‌ر كه‌سێن دى بهێته‌ پێشئێخستن. هه‌ر كه‌سێ ئه‌ڤ چه‌نده‌ كر؛ هنگی دێ ژ هه‌ژی ئاگرێ جه‌هنه‌مێ بیت ژ به‌ر ڤێ ڕویمه‌تی و نه‌دلسۆزییا خۆ د داخوازكرنا زانینێدا بۆ خودێ.