هه‌ر كه‌سێ بمریت و وی چ شریك و هه‌ڤال بۆ خودێ په‌یدا نه‌كربن؛ دێ چیته‌ به‌حه‌شتێ و هه‌ر كه‌سێ بمریت و وی شریك و هه‌ڤال بۆ خودێ په‌یدا كربن؛ دێ چیته‌ جه‌هنه‌مێ))

زه‌لامه‌كی پرسیار ژ پێغه‌مبه‌ری (صه‌لات و سه‌لامێن خودێ ل سه‌ر بن) كر ده‌رباره‌ی وان هه‌ردوو تشتێن چوونا به‌حه‌شتێ و چوونا جه‌هنه‌مێ فه‌ر دكه‌ن؟ پێغه‌مبه‌ری (صه‌لات و سه‌لامێن خودێ ل سه‌ر بن) به‌رسڤا وی دا كو: ئه‌و تشتێ به‌حه‌شتێ فه‌ر دكه‌ت؛ ئه‌ڤه‌یه‌ مرۆڤ بمریت و وی به‌ری هنگی عیباده‌تێ خودێ ب تنێ كربیت و چ شریك و هه‌ڤال بۆ دروست نه‌كربن، هندیكه‌ تشتێ دییه‌ یێ كو ئاگرێ جه‌هنه‌مێ بۆ خودانی فه‌ر دكه‌ت، ئه‌ڤه‌یه‌ مرۆڤ بمریت و به‌ری هنگی وی شریك و هه‌ڤاله‌ك بۆ خودێ دانابیت، ڤێجا شریك و هه‌ڤكویفه‌كی بۆ خودێ دروست بكه‌ت و بدانیت د ئولوهییه‌ت یان ڕبوبییه‌ت یان باشناڤ و سالۆخه‌تێن ویدا.