ئه‌ی پێغه‌مبه‌رێ خودێ؛ نینه‌ گونه‌هه‌كا مه‌زن و گونه‌هه‌كا بچویك هه‌بیت، من هه‌می یێن كرین و ئه‌نجامداین، گۆت: ((ئه‌رێ ما تو شاهده‌ ناده‌ی كو ژ ئه‌لڵاهی پێڤه‌تر چ خودایێن ژ هه‌ژی په‌رستنێ نینن و كو موحه‌ممه‌د عه‌بدێ خودێ و پێغه‌مبه‌رێ وییه‌ (أَشْهَدُ أَنْ لَا إِلَهَ إِلَّا اللهُ وَأَشْهَدُ أَنَّ مُحَمَّدًا عَبْدُهُ وَرَسُولُهُ)؟

زه‌لامه‌ك هاته‌ ده‌ڤ پێغه‌مبه‌ری (صه‌لات و سه‌لامێن خودێ ل سه‌ر بن) و گۆت: ئه‌ی پێغه‌مبه‌رێ خودێ؛ من هه‌ر گونه‌هه‌كا هه‌بیت یا كری، خۆ گونه‌هه‌كا بچویك و مه‌زن من نه‌هێلاینه‌ و من هه‌می یێن ئه‌نجامداین، ئه‌رێ گونه‌هێن من دێ هێنه‌ ژێبرن و خودێ دێ ل من بووریت؟ ئینا پێغه‌مبه‌ری (صه‌لات و سه‌لامێن خودێ ل سه‌ر بن) گۆت: ئه‌رێ ما تو شاهده‌ ناده‌ی كو ژ ئه‌لڵاهی پێڤه‌تر چ خودایێن ژ هه‌ژی په‌رستنێ نینن و كو موحه‌ممه‌د عه‌بدێ خودێ و پێغه‌مبه‌رێ وییه‌؟ سێ جاران ئه‌ڤ گۆتنه‌ دووباره‌ كر، وی زه‌لامی به‌رسڤ دا و گۆت: به‌لێ ئه‌ز شاهده‌ دده‌م، ئینا پێغه‌مبه‌ری (صه‌لات و سه‌لامێن خودێ ل سه‌ر بن) بۆ وی به‌حسێ قه‌در و بهایێ ڤان هه‌ردوو شاهده‌دانان كر و كو ئه‌و گونه‌هان ژێدبه‌ن و كو ته‌وبه‌ گونه‌هێن به‌ری خۆ ژێدبه‌ت.