((ل ڕۆژا قیامه‌تێ هه‌ردوو پێیێن چ عه‌بدان نالڤن هه‌تا پرسیار ژێ نه‌هێته‌ كرن ده‌رباره‌ی عه‌مرێ وی كا د چدا ب سه‌ر برییه‌ و ده‌رباره‌ی زانستێ وی كا چ كار پێ كرییه‌ و ده‌رباره‌ی مالێ وی كا ژ كیڤه‌ په‌یدا كرییه‌ و كا د چ تشتیدا مه‌زاختییه‌ و ده‌رباره‌ی له‌شێ وی كا د چدا ڕزاندییه‌))

پێغه‌مبه‌ر (صه‌لات و سه‌لامێن خودێ ل سه‌ر بن) به‌حسێ هندێ دكه‌ت كو ل ڕۆژا قیامه‌تێ چ كه‌س ژ جهێ حساب و لێپرسینێ به‌ره‌ڤ به‌حه‌شتێ یان جه‌هنه‌مێ نالڤیت هه‌تا ده‌رباره‌ی چوار تشتان پرسیار ژێ نه‌هێته‌ كرن:

یێ ئێكێ: ژیانا وی كا د چدا ب دویماهیك ئینا و ب چڤه مژویل بوو؟

یێ دووێ: زانستێ وی كا ئه‌رێ بۆ خاترا خودێ داخواز و كۆم كر‌؟ و ئه‌رێ كار پێ كر یان نه‌‌؟ و ئه‌رێ گه‌هانده‌ كه‌سێن ژ هه‌ژی؟

یێ سێیێ: مالێ وی كا ژ كیڤه‌ ب ده‌ست خۆڤه‌ ئینا، ئه‌رێ ژ حه‌لالى بوو یان ژ حه‌رامی؟ و د چدا مه‌زاخت، ئه‌رێ د هندێدا بوو خودێ ژێ ڕازی بیت یان د هندێدا بوو خودێ پێ توڕه‌ ببیت؟

یێ چارێ: له‌ش‌ و هێز و ساخله‌می و گه‌نجاتییا وی، كا د چدا بكارئینا و ڕزاند؟