((مسوگه‌ر خودێ زۆڕدارییێ ل باوه‌رداری ناكه‌ت ل به‌رامبه‌ر وی كارێ باش یێ وی كری، ل دونیایێ به‌رامبه‌ر وێ خێرێ دێ تشتی ده‌تێ و ل ئاخره‌تێ ژی دێ وی ژ به‌ر وێ خێرێ خه‌لات كه‌ت

پێغه‌مبه‌ر (صه‌لات و سه‌لامێن خودێ ل سه‌ر بن) قه‌نجی و باشییا خودێ یا مه‌زن ل سه‌ر باوه‌رداران و دادییا وی د گه‌ل كافران دیار دكه‌ت. هندیكه‌ باوه‌رداره‌؛ خێر و خه‌لاتێ چ خێرێن وی ل دونیایێ كرین كێم نابیت، به‌لكی خودێ دێ ژ به‌ر وێ خێرێ؛ ل دونیایێ باشییێ ده‌تێ ژ به‌ر گوهدانا وی بۆ خودێ، د گه‌ل وی خه‌لاتێ مه‌زن یێ خودێ ل ئاخره‌تێ بۆ وی هه‌لگرتی، دبیت ژی خه‌لاتێ وی هه‌مییێ بۆ ئاخره‌تێ ڕاكه‌ت و هه‌لبگریت. هندیكه‌ كافره‌ ژی؛ خودێ دێ خه‌لاتێ وان خێرێن وی ئه‌نجامداین ل دونيايێ ده‌تێ، هه‌تا ده‌مێ دهێته‌ ڤه‌گوهاستن بۆ ئاخره‌تێ؛ ل وێرێ وی چ خێر نابن ژ پێشڤه‌ بهێته‌ خه‌لاتكرن، چونكی ئه‌و كارێ بۆ هه‌ردوو جهان مفای ل خودانێ خۆ دكه‌ت، ئه‌وه‌ یێ كو دڤێت خودانێ وى باوه‌ردار بیت.