((هه‌ر گه‌ھ و هه‌ستیكه‌ك ژ مرۆڤی خێره‌ك ل سه‌ر هه‌یه‌

پێغه‌مبه‌رێ خودێ (صه‌لات و سه‌لامێن خودێ ل سه‌ر بن) دیار دكه‌ت کو پێدڤییه‌ ڕۆژانه‌ هه‌ر موسلمانه‌کێ بالغ ب ته‌مه‌ت هژمارا گه‌ھێن هه‌ستیكێن له‌شێ خۆ خێر و صه‌ده‌قه‌یه‌كێ بۆ ڕێكا خودێ بده‌ت وه‌ك سوپاسییه‌ك بۆ خودێ ل سه‌ر قه‌نجی و نیعمه‌تا ساخله‌مییێ، و كو خودێ گه‌ھ د ناڤبه‌را هه‌ستیكێن له‌شێ ویدا دروستكرینه‌ و ب ڕێكا ڤان گه‌هان دشێت ده‌ستێ خۆ بگریت و ڤه‌كه‌ت. ئه‌ڤ خێر و صه‌ده‌قه‌یه‌ ژی ب كرنا هه‌ر جۆره‌ كاره‌كێ باش ل سه‌ر مرۆڤی دچیت، و ب تنێ یا گرێدایی نینه‌ ب دانا مالی، ژ وان كاران ژی: دادی و پێكئینانا ته‌ د ناڤبه‌را دوو هه‌ڤڕكێن ئێك كو به‌ری هنگی د ژێك سلبوون؛ خێر و صه‌ده‌قه‌یه‌، هاریكاریكرنا ته‌ بۆ كه‌سێ نه‌شێت سویاری ده‌وارێ خۆ بیت، ڤێجا چ تو وی سویاركه‌ی یان تو بارێ وی بۆ سویاری ده‌وارێ وی بكه‌ی؛ هه‌ر خێر و صه‌ده‌قه‌یه‌، گۆتنا باش ژ كرنا زكری و دوعایێ و سلاڤكرنێ و ژ بلی وی؛ خێر و صه‌ده‌قه‌یه‌، هه‌ر پێنگاڤه‌كا تو به‌ره‌ڤ مزگه‌فتێڤه‌ دهاڤێژی؛ خێر و صه‌ده‌قه‌یه‌، نه‌هێلان و ڕاكرنا وی تشتێ نه‌خۆشییێ بۆ خه‌لكی دروست دكه‌ت ل سه‌ر ڕێكێ؛ خێر و صه‌ده‌قه‌یه‌.