ب ڕاستی خودایێ مه‌زن ب شه‌ڤێ ده‌ستێ خۆ درێژ دكه‌ت دا ئه‌وێ ب ڕۆژێ گونه‌هـ كری ته‌وبه‌ بكه‌ت و ب ڕۆژێ ده‌ستێ خۆ درێژ دكه‌ت دا ئه‌وێ ب شه‌ڤێ گونه‌هـ كری ته‌وبه‌ بكه‌ت، هه‌تا كو ڕۆژ ژ ڕۆژئاڤایێ ده‌ردكه‌ڤیت و دهه‌لێت

قه‌بویلكرنا ته‌وبێ یا به‌رده‌وامه‌ هندی ده‌رگه‌هێ وێ یێ ڤه‌كری بیت و ده‌رگه‌هێ ته‌وبێ دێ هێته‌ گرتن ده‌مێ ڕۆژ ل ڕۆژئاڤایێ دهه‌لێت، یان ده‌مێ ڕۆح دگه‌هیته‌ حه‌فكێ د ده‌مێ مرنێدا.
بێهیڤینه‌بوون ژ به‌ر گونه‌هان، چونكی لێبوورین و دلۆڤانییا خودێ یا به‌رفره‌هه‌ و ده‌رگه‌هێ ته‌وبێ یێ ڤه‌كرییه‌.
مه‌رجێن ته‌وبێ ئه‌ڤه‌نه‌: ئێك: هێلانا گونه‌هێ. دوو: په‌شیمانبوون ل سه‌ر كرنا وێ گونه‌هێ. سێ: بڕیاردانه‌كا ژ دل كو ئێدی قه‌ت نه‌زڤڕیته‌ سه‌ر وێ گونه‌هێ. ئه‌ڤه‌ ئه‌گه‌ر مافێ خودێ بیت، به‌لێ ئه‌گه‌ر مافێ خه‌لكێ بیت، هنگی هه‌تا ته‌وبه‌ یا دروست بیت؛ دڤێت مافێ وان بۆ بزڤڕینیت یان لێبوورینێ ژ وان بخوازیت و خودانێ مافی ل وی ببووریت.