((جه‌هنه‌م یا ب حه‌ز و شه‌هوه‌تان هاتییه‌ دۆرپێچكرن و به‌هه‌شت یا ب نه‌خۆشی و تاقیكرنان هاتییه‌ دۆرپێچكرن))

پێغەمبەر (صەلات و سەلامێن خودێ ل سەر بن) دیار دكه‌ت كو ئاگرێ جه‌هنه‌مێ یێ ده‌ورداییه‌ ب هنده‌ك تشتانڤه‌ كو نه‌فسا مرۆڤی حه‌ز ژێ دكه‌ت، ژ كرنا كارێن حه‌رام یان خه‌مساریكرن د ڕاستا كارێن پێدڤی و ئه‌ركاندا، له‌وا هه‌ر كه‌سێ دویڤچوونا حه‌زێن نه‌فسا خۆ بكه‌ت د ڤێ چه‌ندێدا؛ دێ ژ هه‌ژی ئاگرێ جه‌هنه‌مێ بیت، كا چاوا به‌هه‌شت ژی یا ده‌ورداییه‌ ب هنده‌ك تشتانڤه‌ كو نه‌فس حه‌ز ژێ ناكه‌ت و ل به‌ر وێ دگران و نه‌خۆشن، وه‌كی پێگیربوونێ ب وان تشتێن فه‌رمان پێ هاتییه‌ كرن و هێلانا تشتێن حه‌رام و هه‌داركێشان ل سه‌ر ڤێ چه‌ندێ، ڤێجا ئه‌گه‌ر مرۆڤی خۆزه‌حمه‌ت دا و ژ به‌ر ڤێ چه‌ندێ جیهاد د گه‌ل نه‌فسا خۆ كر؛ دێ ژ هه‌ژی چوونا به‌هه‌شتێ بیت.