هنگی خودێ دێ وی به‌ته‌‌ به‌حه‌شتێ ب ئه‌وێ كریارا وی هه‌بیت))

پێغه‌مبه‌رێ خودێ (صه‌لات و سه‌لامێن خودێ ل سه‌ر بن) مه‌ ئاگه‌هدار دكه‌ت كو هه‌ر كه‌سێ په‌یڤا ته‌وحیدێ (لا إله إلا الله) بێژیت و ڕامانا وێ بزانیت و كار پێ بكه‌ت، و شاهده‌ بده‌ت كو موحه‌ممه‌د عه‌بدێ خودێ و پێغه‌مبه‌رێ وییه‌ (صه‌لات و سه‌لامێن خودێ ل سه‌ر بن)، و دانپێدانێ ب عه‌بدینی و پێغه‌مبه‌رینییا عیسای بكه‌ت، و كو خودێ ئه‌و ب په‌یڤا خۆ (ببه‌) دروست كرییه‌ و دروست بوویه‌ و ئه‌و ڕوحه‌كه‌ ژ وان ڕوحێن خودێ دروست كرین، و دایكا وی (مه‌ریه‌م) بێگونه‌هـ ده‌رئێخست ژ وان تشتێن نه‌ڕاستێن جوهییان داینه‌ ب پال وێ، و باوه‌رییێ ب هندێ بینیت كو به‌حه‌شت یا هه‌یی و یا حه‌قه‌، و ئاگرێ جه‌هنه‌مێ یێ هه‌یی و یێ حه‌قه‌، و ئه‌و خۆشی و سزایێن خودێنه‌، و ل سه‌ر ڤێ چه‌ندێ بمریت؛ هنگی دێ ئه‌نجامێ وی چوونا به‌حه‌شتێ بیت هه‌تا ئه‌گه‌ر د هنده‌ك عیباده‌تاندا كێماسی ژی هه‌بن و گونه‌هـ ژی هه‌بن.