((گه‌لی خه‌لكی؛ هشیاری زێده‌گاڤییێ بن د ئایینیدا، چونكی ب ڕاستی تشتێ ملله‌تێن به‌ری هه‌وه‌ ژ ناڤ برین؛ زێده‌گاڤیكرن بوو د ئایینیدا))

عه‌بدولڵاھێ كوڕێ عه‌بباسی (خودێ ژ هه‌ردووكان ڕازی بیت) به‌حسێ هندێ دكه‌ت كو ل ڕۆژا جه‌ژنێ ل سپێده‌هییا جه‌مره‌یا عه‌قه‌به‌یێ ل حه‌جا خاترخواستنێ ئه‌و د گه‌ل پێغه‌مبه‌ری بوو (صه‌لات و سه‌لامێن خودێ ل سه‌ر بن)، ئینا پێغه‌مبه‌ری (صه‌لات و سه‌لامێن خودێ ل سه‌ر بن) فه‌رمان ل وی كر كو هنده‌ك به‌رکان بۆ ڕه‌می و ڕه‌جما شه‌یتانی بۆ وی كۆم بكه‌ت، ئه‌وی ژی حه‌فت به‌رك بۆ كۆم كرن كو هه‌ر ئێك ژ وان هندی دنکه‌كێ یان بنده‌قه‌كێ بوو، پاشی پێغه‌مبه‌ری (صه‌لات و سه‌لامێن خودێ ل سه‌ر بن) ئه‌و دانانه‌ د ده‌ستێ خۆدا و پاشی لڤاندن و گۆت: ب هنده‌ك به‌ركێن هندی ڤانه‌ د قەبارەیدا ڕه‌مییێ (ڕه‌جما شه‌یتانی) بكه‌ن، پاشی پێغه‌مبه‌ری (صه‌لات و سه‌لامێن خودێ ل سه‌ر بن) هشیاری ژ زێده‌گاڤی و توندڕه‌وی و ده‌ربازكرنا سنوورێن ئایینێ خودێ كر، چونكی تشتێ بوویه‌ ئه‌گه‌رێ ژناڤچوونا ملله‌تێن به‌ری هه‌وه‌ ئه‌و بوو كو ئه‌و ژ سنوورێن ئایینێ خودێ ده‌رباز بوون و زێده‌گاڤی تێدا كر.