ឱរ៉ស៊ូលុលឡោះ! ម្តាយរបស់សាអាត់បានស្លាប់ទៅហើយ។ ដូចនេះ តើការបរិច្ចាគទានអ្វីដែលប្រសើរជាងគេបំផុត? លោកបានមានប្រសាសន៍ថា៖ “គឺទឹក”។ គាត់បាននិយាយថា៖ បន្ទាប់មក គាត់បានជីកអណ្តូងមួយ ហើយនិយាយថា៖ អណ្តូងនេះ គឺសម្រាប់ម្តាយរបស់សាអាត់។

បញ្ជាក់ថា ការបរិច្ចាគជាទឹក ឬដាក់ទានជាទឹក គឺជាទានដ៏ប្រសើរបំផុតក្នុងចំណោមទានទាំងឡាយ។
ណាពី ﷺ លោកបានណែនាំសាអាត់ឱ្យដាក់ទានជាទឹក ដោយសារវាមានប្រយោជន៍ទូទៅទាំងខាងសាសនា និងលោកិយ និងដោយសារតែអាកាសធាតុក្តៅខ្លាំង តម្រូវការចាំបាច់ និងកង្វះខាតទឹក។
បង្ហាញថា ផលបុណ្យនៃការបរិច្ចាគទានអាចទៅដល់អ្នកដែលស្លាប់។
បង្ហាញពីភាពកតញ្ញូរបស់ សាអាត់ ពិន អ៊ូហ្ពាហ្ទះ رضي الله عنه ចំពោះម្តាយរបស់គាត់។