“ពិតប្រាកដណាស់ អល់ឡោះទ្រង់ប្រចណ្ឌ(ខឹងសម្បា) ហើយពិតណាស់ អ្នកមានជំនឿក៏ចេះប្រចណ្ឌដែរ។ តែការប្រចណ្ឌរបស់អល់ឡោះនោះ គឺការដែលអ្នកមានជំនឿប្រព្រឹត្តនូវអ្វីដែលទ្រង់បានហាមឃាត់លើរូបគេ”។

ណាពី ﷺ លោកបានប្រាប់ថា ជាការពិតណាស់ អល់ឡោះជាម្ចាស់ទ្រង់ប្រចណ្ឌ ខឹងសម្បា និងស្អប់ ដូចដែលអ្នកមានជំនឿចេះប្រចណ្ឌ ខឹងសម្បា និងចេះស្អប់ដូច្នោះដែរ។ ហើយមូលហេតុនៃការប្រចណ្ឌរបស់អល់ឡោះជាម្ចាស់នោះ គឺការដែលអ្នកមានជំនឿប្រព្រឹត្តនូវទង្វើអបាយមុខផ្សេងៗដែលទ្រង់បានហាមឃាត់លើរូបគេ ដូចជាការប្រព្រឹត្តអំពើហ្ស៊ីណា លីវ៉ត(ស្រឡាញ់ភេទដូចគ្នា) លួចឆក់ ផឹកស្រា និងអំពើអាក្រក់ផ្សេងៗទៀត។