ខ្ញុំជាបុរសម្នាក់ដែលមានបញ្ហាទឹករំអិល(ម៉ាហ្ស៊ី) ហើយខ្ញុំមានការអៀនខ្មាសក្នុងការសួរណាពី ﷺ ព្រោះតែឋានៈនៃកូនស្រីរបស់លោក។ ដូច្នេះ ខ្ញុំក៏បានប្រើឱ្យ អាល់មិគហ្ទាត ពិន អាល់អាសវ៉ាត់ សួរលោក។ ពេលនោះ លោកបានឆ្លើយថា៖ “គេត្រូវលាងប្រដាប់ភេទរបស់ខ្លួន ហើយយកវូហ្ទុ”

ឧត្តមភាពរបស់ អាលី ពិន អាពីត៏ឡឹប رضي الله عنه ខណៈដែលភាពខ្មាសអៀនមិនបានរារាំងគាត់ពីការសួរសំណួរតាមរយៈអ្នកដទៃនោះឡើយ។
អនុញ្ញាតឲ្យប្រើអ្នកដទៃសួរសំណួរឲ្យទាក់ទងនឹងច្បាប់ឥស្លាម។
អនុញ្ញាតឱ្យប្រាប់អ្នកដទៃនូវរឿងឯកជនរបស់ខ្លួនដែលមានការអៀនខ្មាសដើម្បីផលប្រយោជន៍។
បញ្ជាក់ពីភាពកខ្វក់នៃទឹករំអិល ហើយចាំបាច់ត្រូវលាងសម្អាតវាចេញពីរាងកាយ និងសម្លៀកបំពាក់។
ការចេញទឹករំអិលស្ថិតក្នុងចំណោមប្រការដែលធ្វើឲ្យខូចទឹកវូហ្ទុ។
ចាំបាច់ត្រូវលាងសម្អាតប្រដាប់ភេទ(លិង្គ) និងពងស្វាស ព្រោះមានភស្តុតាងបញ្ជាក់ក្នុងហាទីស្ហផ្សេងទៀត។