შემფიცეთ, რომ არდაუდგენთ ალლაჰს არავის თანაზიარად, არ მოიპარავთ, არ იმრუშებთ

განმარტება იმის შესახებ, თუ რას მოიცავდა პირველი ფიცი აყაბაში მექაში, სანამ მათთვის ვალდებულება გახდებოდა ალლაჰის გზაზე ბრძოლა (ჯიჰადი).
ას-სინდიმ თქვა: «მისი სიტყვები რაც ცნობილია – არ არის დაფარული, რომ მისი ყველა ბრძანება კეთილია და მისი საწინააღმდეგო არც წარმოიდგინება. ასე რომ, სიტყვები „ფილ მა'რუუფ“ მიუთითებს მორჩილების სავალდებულოობის მიზეზზე, ასევე იმაზე, რომ ადამიანისადმი მორჩილება არ შეიძლება იყოს გარდა კეთილისა, და იმაზე, რომ ფიცის დადებისას უნდა იყოს მითითებული მორჩილება სიკეთეში და არა აბსოლუტურად ყველაფერში».
მუჰამმად იბნ ისმააილ ათ-თაიმიმ და სხვებმა თქვეს: «შვილების მკვლელობა განსაკუთრებით იყო აღნიშნული, რადგან ის წარმოადგენს მკვლელობასა და ნათესავთა კავშირის გაწყვეტას, ამიტომ მისი აკრძალვა მეტად ხაზგასასმელია. გარდა ამისა, ეს პრაქტიკა მათ შორის გავრცელებული იყო – გოგონების ცოცხლად დაფლა და ვაჟების მოკვლა სიღარიბის შიშით. ან შესაძლოა, შვილები ყოფილიყვნენ ნახსენები იმიტომ, რომ ისინი თავიანთი თავის დაცვას ვერ შეძლებდნენ».
ან-ნავავიმ თქვა: «ამ ჰადისის ზოგადი მნიშვნელობა დაკონკრეტებულია ალლაჰის სიტყვით: «ჭეშმარიტად ალლაჰი არ მიუტევებს, რომ მას რაიმე გაუთანაზიარონ». ამგვარად, როცა მურთადი (ისლამის მიმტოვებელი) სიკვდილით ისჯება თავისი განდგომის გამო, ეს სასჯელი მისთვის გამოსყიდვა არ იქნება».
ალ-ყადი 'იაად ამბობს: «სწავლულთა უმეტესობის აზრით, უზენაესი ალლაჰის მიერ დაწესებული მძიმე სასჯელების(ალ-'ჰუდუუდ) შესრულება შესაბამისი ცოდვის გამოსყიდვას წარმოადგენს».