તમારા કરતા નીચલા વર્ગના લોકો તરફ જુવો, તમારા કરતા ઉંચા વર્ગના લોકો તરફ ન જુઓ, આમ કરવાથી શક્ય છે કે તમે અલ્લાહની નેઅમતોને તુચ્છ નહીં સમજો

કનાઅત (સંતુષ્ટિ) મોમિનોના ભવ્ય અખ્લાક માંથી એક છે અને તે અલ્લાહની તકદીર પ્રત્યે રાજી હોવાની નિશાની છે.
ઈબ્ને જરીર રહિમહુલ્લાહએ કહ્યું: આ હદીષમાં સંપૂર્ણ ભલાઈનો સમાવેશ થાય છે; કારણકે જો માનવી પોતાના કરતા ઊંચા વર્ગ અને જેના પર અલ્લાહએ કૃપા કરેલી છે, તેની તરફ જોશે તો તે પણ તેની માફક જ થવાની ઈચ્છા કરશે જેના કારણ તેને અલ્લાહએ આપેલ નેઅમતોને તે તુચ્છ જાણશે અને તે વધુની પ્રાપ્તિ અને તેની નજીક આવવાની ઈચ્છા દર્શાવે છે, ઘણા લોકોમાં આ પ્રમાણેની ઈચ્છા જોવા મળશે, પરંતુ જો તે દુનિયાની દરેક બાબતમાં પોતાના કરતા નીચલા વર્ગના લોકોને જોશે તો તેના પર અલ્લાહએ કરેલ કૃપા જાહેર કરશે, તેના પ્રત્યે તે વિનમ્ર રહેશે અને તે ભલાઈના કાર્યો કરશે.