Pellet ko dagii ina ɓanngi ko harmi kadi ina ɓanngi

Nelaaɗo yo jam e kisal ngon e makko ina ɓanngina laawol kuuɓtadinngol e geɗe(kojje), e sariya ɗeen geɗe ina peccii pecce tati: ko ɓanngi dagagol mum e ko ɓanngi karmugol, e geɗe jiɓiiɗe ɗe ñaawoore mum laaɓaani mbela ina dagii wolla ina harmi, heewɓe e yimɓe nganndah ñaawoore mum.

Kala gaccuɗo ɗeen (kojje) geɗe jiɓiiɗe diine mum hisara woɗɗitaade yande nder ko harmi, nguru mum hisa e haala yimɓe aybinooɓe mbo sabu fawñaade mbo ndeen jiɓiinde. Kala mbo woɗɗitaaki jiɓiiɗe ɗe o aarndi ( ballii) fittaandu makko yande e ko harmi, wolla yimɓe njuwa nguru makko. Nelaaɗo Alla yo jam e kisal ngon e makko tottiri yero oon janoowo e jiɓiiɗe o nanndidini mbo e gaynaako gaynoowo e sera leydi ndi jom hendi waɗandi reenaare, jawdi gaynaako o ina ɗeɓa durde sera mum, ko noon baɗoowo ko jiɓii, oon o ɓadoto ko harmi hombo ɗesa yande heen. Caggal ɗuum Nelaaɗo yo jam e kisal ngon e makko habri wonde husere(ɓernde) ina e nder ɓanndu sinde moƴƴii ɓanndu fof moƴƴa sinde bonii ɓanndu fof bona.