Laaɓal ko feccere Iimaan(imanagal), yettude Alla ina hebbina peesirgal(manndakke) subhinaade Alla e yettude Mbo ina hebbina ko woni hakkunde kammuuji e leydi

Annabi ina habra wonde: laaɓal ɓanngungal ko sallige wonirta e lootngal janaaba ɗum ko sarɗi e nder juulde. E wiide:" mi yettii Alla ina hebbina peesirgal(etergal)" ko ɗuum woni mantude Alla ceniiɗo O, e sifaraade Mbo sifaaji timmal ɗuum peesete( etirte) ñande darnga ɗum hebbina peesirgal golle.(etirgal golleji) E wiide" senaare woodanii Alla e yettude Alla" ɗuum woni seninde Alla e kala ustaare e sifaraade Mbo sifaaji timmal kaanduɗi e manngu Makko e yiɗde Mbo e mawninde Mbo ina hebbina ko woni hakkunde kammuuji e leydi. E wonde "juulde ko annoore" wonande macuuɗo Alla e nder ɓernde makko, e yeeso makko, e yenaande makko, e saanga nde o mooɓatee. E wonde" sadak (sadaka)ko daliil" sadaka ko daliil gooŋɗude iimaan(imanagal) jiyaaɗo, e seertude mbo e naafigi kaɗoowo sadak sabu waasde mbo gooŋɗinde ko fodaa ko. E wonde" muñal ko ndaaygu" -ko ɗuum woni sokde fittaandu haɗandu faayde e tikkude- ko annoore wondunde e nguli e cumu, hono ndaaygu naange; sabu ko ɗum cattuɗum hoɗum hatajini e haɓtaa- de fittaandu e surde ndu e belaaɗe mayru, jom mayru seerataa jalbanniiɗo
peewɗo duumiiɗo e peewal, ɗuum woni muñde e ɗoftaare Alla, e muñde e musib- baaji e nooneeji gañaaɗi ka aduno. E wonde " Quraana ko hujjo maa wolla e dow ma" ka janngugol mbo e gollirde mbo, wolla ko "hujjo e dow maa" si a accii mbo a golliraani mbo wolla a dursitaaki mbo. Refti Nelaaɗo mo jam e kisal woni e mum habri wonde yimɓe ɓe fof ko yahooɓe hoɓe caro ɓe ummo e ɗoyɗi maɓɓe ɓe njalta galleeji maɓɓe ngam golloyde golleeji ceertuɗi. Ina e maɓɓe pooccatooɓe e ɗoftaare Alla o rimɗina fittaandu makko e yiite, ina e maɓɓe gooñatooɗo o yana e goopi o halkira ndu naatde jaynge ( yiite).