তাৰ ওপৰত অভিসম্পাত নকৰিবা। আল্লাহৰ শপত! মই জনামতে সি আল্লাহ আৰু তেওঁৰ ৰাছুলক অত্যন্ত ভালপায়।

নিষিদ্ধ কাম কৰা আৰু সেই ব্যক্তিৰ অন্তৰত আল্লাহ আৰু তেওঁৰ ৰাছুলৰ মুহাব্বত থকা, এই দুটাৰ মাজত কোনো বিৰোধ নাই। কাৰণ নবী চাল্লাল্লাহু আলাইহি অছাল্লামে জনাইছে যে, সেই ব্যক্তিজনে আল্লাহ আৰু তেওঁৰ ৰাছুলক ভাল পায়। যদিও তাৰ দ্বাৰা কিবা এটা পাপকৰ্ম হৈছে।
কাবীৰাহ গুনাহত জৰিত কোনো ব্যক্তি যদি সেই গুনাহত অটল থকা অৱস্থাতে মৃত্যুবৰণ কৰে, সেই ব্যক্তি আল্লাহৰ ইচ্ছাৰ অধীন থাকিব। আল্লাহে ইচ্ছা কৰিলে তাক ক্ষমা কৰিব পাৰে আৰু ইচ্ছা কৰিলে শাস্তি বিহিব পাৰে। কিন্তু কোনো মুছলিম ব্যক্তিয়ে কেতিয়াও জাহান্নামত চিৰস্থায়ী নহ'ব।
নিৰ্দিষ্ট কোনো মাদক দ্ৰৱ্য সেৱনকাৰীক অভিশাপ কৰা অপছন্দনীয়। কাৰণ এনেকুৱা কোনো বাধা থাকিব পাৰে, যাৰ ফলত অভিশাপ কাৰ্যকৰী হোৱাৰ পৰা তাক ৰক্ষা কৰিব পাৰে। ইয়াৰ উপৰিও নিৰ্দিষ্ট কাৰোবাক অভিশাপ কৰিলে বা তাৰ ওপৰত বদ্দুআ কৰিলে সেই ব্যক্তি এনেকুৱা গুনাহত অধিক অটল হ'ব পাৰে, অথবা ব্যক্তিজন তাওবা কবূল হোৱাৰ ক্ষেত্ৰত হতাশ হ'ব পাৰে।
এনেকুৱা গুনাহত জৰিত ব্যক্তি বিশেষক নিৰ্দিষ্ট নকৰাকৈ অভিশাপ কৰা বৈধ।