ሰዎች በአዛንና በመጀመሪያ ሰልፍ ያለውን ምንዳ ቢያውቁና እርሱንም እጣ ካልተጣጣሉ በቀር የማያገኙት ቢሆን ኖሮ እጣ ይጣጣሉ ነበር።

የአዛን ደረጃ መገለፁ፤
ወደ ኢማም መቅረብና የመጀመሪያ ሰልፍ ያለው ደረጃ መገለፁ፤
ሶላት ለመስገድ ተወዳጅ በሆነው በመጀመሪያ ወቅት ወደ መስጂድ ቀድሞ መሄድ ያለው ደረጃ መገለፁን እንረዳለን። ይህም ትልቅ ደረጃ ስላለውና እርሱን ተከትሎ በርካታ ጥቅሞች ስለሚገኝ ነው። ከነዚህ ጥቅሞች መካከልም: የመጀመሪያን ሰልፍ ማግኘት፤ ሶላት ላይ ከመጀመሪያ ጀምሮ መድረስ፤ ሱናን መስገድ፤ ቁርአን መቅራት፤ መላእክቶች ለርሱ ምህረት ይጠይቁለታል፤ ሶላት እስኪደርስ እስከተጠባበቀ ድረስም ሶላት ላይ ከመሆን አለመወገድን፤ ከዚህም ውጪ ያሉ ጥቅሞችን ያገኛል።
እነዚህን ሁለት ሶላቶች በህብረት ለመስገድ በመገኘት ላይ መነሳሳቱንና በዚህም ብዙ ትሩፋት እንደሚገኝ እንረዳለን። ይህ ብዙ ትሩፋት የሚገኘውም በመጀመሪያ ወቅትና በመጨረሻው ወቅት ያለውን የእንቅልፍ ሰአት በማደፍረሱ ነፍስን ስለሚከብዳት ነው። ስለዚህም በሙናፊቆች ላይ ከባዳቹ ሶላቶች እነርሱ ሆኑ።
ነወዊይ እንዲህ ብለዋል: "ይህ ሐዲሥ በሚያጨቃጭቅና ሰው በሚበዛበት ሐቆች ላይ እጣ መጣጣል እንደሚቻል ያፀድቅልናል።"
ሁለተኛው ሰልፍ ከሶስተኛው፣ ሶስተኛው ደግሞ ከአራተኛው ሰልፍ ይበልጣል።