አጋርያንን በገንዘባችሁ፣ በነፍሳችሁና በምላሳችሁ ታገሉ።

አጋርያንን በነፍስ፣ በገንዘብና በምላስ መታገል ላይ መነሳሳቱን እንረዳለን። ሁሉም በአቅሙ ልክ ነው። ጂሃድ በአካል በመዋጋት ላይ ብቻ የተገደበ አይደለምና።
በጂሃድ የመጣው ትእዛዝ ግዴታን ነው የሚጠቁመው። አንዳንዴ በነፍስ ወከፍ ደረጃ ግዴታ ሲሆን አንዳንዴ ደግሞ በተወሰነ አካል ላይ ብቻ ግዴታ ይሆናል።
አላህ ጂሃድን ለብዙ ጉዳዮች ደንግጓል: ከነርሱም መካከል: የመጀመሪያ: ሺርክንና አጋርያንን መቃወም። አላህ መቼም ሺርክን አይቀበልምና። ሁለተኛ: ወደ አላህ በሚደረግ ደዕዋ መንገድ የሚጋረጡ ሳንካዎችን ማስወገጃ ነው። ሶስተኛ: የእስልምናን እምነት ከሚፃረሩት ሁሉ ነገሮች መጠበቂያ ነው። አራተኛ: ከሙስሊሞች፣ ከሀገራቸው፣ ከክብራቸውና ከገንዘባቸው መከላከያ ነው።