ጉንጩን የመታ፣ አንገትያውን የቀደደ፣ በድንቁርና ጥሪ የተጣራ ከኛ አይደለም።

ሐዲሡ ውስጥ የመጣው ይህ (ከእኛ አይደሉም የሚለው) ዛቻ እነዚህ ተግባራት ከትላልቅ ወንጀሎች መካከል መሆናቸውን ይጠቁማል።
በመከራ ላይ መታገስ ግዴታ መሆኑንና አሳማሚ በሆኑ የአላህ ውሳኔዎች ላይ መበሳጨት ክልክል መሆኑን እንረዳለን። የዚህም መገለጫው: ሙሾ በማውረድ ወይም እየገጣጠሙ በማልቀስ ወይም በመላጨት ወይም በመቀዳደድ ወይም ከዚህም ውጪ ያለን በመስራት ነው።
ሸሪዓ ያላፀደቀውን የድንቁርና ዘመን ጉዳዮችን መከተል ክልክል መሆኑን እንረዳለን።
ማዘንና ማልቀስ በአላህ ውሳኔ ላይ ከመታገስ ጋር ስለማይፃረር ችግር የለውም። ማልቀስ አላህ በቅርብ ዘመዶችና ወዳጆች ቀልብ ውስጥ ያደረጋት እዝነት ናት።
ሙስሊም የሆነ ሰው በአላህ ፍርድ መውደድ አለበት። ባይወድ እንኳን መታገስ ግዴታው ነው።