ትልቁ ጂሃድ የሚባለው ግፈኛ ባለስልጣን ዘንድ ፍትሀዊ ንግግርን መናገር ነው።

በመልካም ማዘዝና ከመጥፎ መከልከል ከጂሃድ አይነቶች እንደሆነ እንረዳለን።
መሪን መምከር ከትላልቅ የጂሃድ አይነቶች አንዱ ነው። ነገር ግን በእውቀት፣ በጥበብና በማረጋገጥ መሆኑ ግዴታ ነው።
ኸጧቢይ እንዲህ ብለዋል: ይህ በላጩ ጂሃድ የሆነበትም ምክንያት ጠላትን የተዋጋ ሰው በተስፋና ስጋት መካከል ነው የሚሆነው። እንደሚያሸንፍም ሆነ እንደሚሸነፍ አያውቅም። የስልጣን ባለቤት ፊት ግን በእጁ የተሸነፍክ ሆነህ ነው የምትቀርበው፤ እርሱ ፊት እውነትን የተናገርክና በመልካም ያዘዝከው ጊዜ ራስህን ለጥፋት አጋርጠህና ነፍስህን ለሞት አዘጋጅተህ የምትቀርብ በመሆንህ ነው። ይህም ስጋቱ ያመዘነ ስለሆነ በላጩ የጂሀድ አይነት ሆነ። በላጩ ጂሀድ የሆነው መሪው ቃሉን ሰምቶ ቢቀበለው ጥቅሙ ለበርካታ ሰዎች ስለሚዳረስ በዚህም ጥቅም ስላለው ነው ያሉም አሉ።