NUTI EENYU?

من نحن؟
NUTI EENYU?
اللغة الارومية
QOOQA OROMIFFAA

Nuti Muslimoota, Rabbiin gabbarra, Inni tokkicha qindii hin qabneedha, Nuti Qur’aana kabajamaa fi Sunnaa Nabiyyii Muhammad ﷺ akka hubannaa Sahaabota isaa irratti hundaa’uun hordofna, Rabbiin isaan irraa haa jaallatu.

Islimnaan amantii Tawhiidaati. Inni gara Rabbiin qofa gabbaruu, Gara Rahmataa, Haqaa fi Amala gaariitti waama.

Nuti ni amanna:
• Rabbiin tokkicha, Isaaf qindiin hin jiru.
• Qur’aanni jecha Rabbiiti.
• Muhammad ﷺ xumura Nabiyyootaati.
• Nuti Nabiyyoota hundatti ni amanna, nageenyi isaan irratti haa jiraatu, akka Ibraahiim, Muusaa fi Iisaa ilma Maryam, Hunda isaanii ni jaallanna, ergama isaaniittis ni amanna.
• Du’aan booda ka’iinsi, herregni, Jannataa fi Jahannam ni jiru.

Kaayyoon keenya Rabbiin gabbaruu fi Hawaasa fayyaduudha.
Karaan keenya giddu galeessummaa fi Madaalawaa ta’uudha.

Nuti gara amala gaarii, Rahmataa, Haqaa fi Waliin jireenya gaarii namoota hunda wajjin jiraachuutti waamna.
Nuti garmalee darbu, Jajjabina, Jeequmsaa fi Miidhaa ni didna.

Nuti seera biyya keessa jiraannuu ni kabajna, Akkasumas hawaasa keenyaaf namoota gaarii fi bu’aa qabeessa ta’uuf ni carraaqna.

⸻

WAA’EE MASJIDAA IRRAA:

Masjiidonni lafa irratti iddoo hunda caalaa irra qulqulluu fi irra caaltuu dha. Isiin manneen Rabbiin qofa keessatti gabbaruuf ijaaramteedha.

Masjiidni qabeenya nama tokkoo miti, Kan Rabbii ti. Isiin nama Rabbiin gabbaruu, Islaamumnaa barachuu yookaan gara Rabbii deebi’uu barbaadu hundaaf banamtuu taateedha.

Nuti gaaffilee keessan kabajaa fi tasgabbiin simachuun nu gammachiisa

⸻

NAMOONNI MUSLIMOOTA HIN TAANE MASJIDA SEENUU NI DANDA’UU?

Eeyyee, Islaama baruuf daawwannaa keessan ni simanna.

Yeroo bulchiinsi masgiidaa yookaan namni daawwattota simatu jiru kamittiyyuu masgiida daawwachuu dandeessu, keessumaa:
• Yeroo salaataa.
• Guyyaa Sanbataa fi Dilbataa, daawwattota simachuuf ramadaman.
• Guyyaa Iid al-Fixrii fi Iid Al-Adhaa.
• Baatii Ramadaanaa keessatti yeroo ifxaaraa.

Masgiidni iddoo Ibaadaa, Barnootaa fi Nageenyaati.

⸻

QAJEELFAMA DAAWWANNAA:

• Safuu fi Kabaja bootaa eeggachuun ni barbaadama, Sababni isaas inni mana Rabbii keessaa tokko waan ta’eef.
• Gara kutaa salaataa seenuun dura kophee baasuun dirqama ta’a.
• Dubartootaaf balbala addaa fi iddoon addaa ni jira.
• Yoo barbaachise uffata sirrii ta’e isiniif ergisa kennamuuf ni jiraata.

⸻

Islaama irratti odeeffannoo dabalataa argachuuf yookaan Qur’aana irraa nuskaa tokko gaafachuuf:

sarhaan

Gara Masjidaatti baga nagaan dhuftan!