pane sikusatuwika nganisyo syanti tusasiona usito kuti tusilumukule, Mtume ni watite kuti: "sikusamsimanaga nganisyo syele?". wakulijiganya wa Mtume wala watite: e, sikusatusimana. Mtume ni jwajite kuti : "chikulupililo chisyesyene chili m'mitima mwenu nichikusamlekasya kuti mjitichisye ya nganisyo syakusawika nasyo Satana

Gulu ja wane mwa wakulijiganya wa Mtume -chanasa ni utendele wa Mlungu iwe pa Mtumejo- japite kwa Mtume -chanasa ni utendele wa Mlungu iwe pa jwelejo- ni wam'busisye Mtumejo -chanasa ni utendele wa Mlungu iwe pa jwelejo- ya ichindu yekulungwakulungwa yakusaganisya m'mitima mwawo nambo ikusawa yakusausya kuiwecheta ligongo lyakusakala kwa ikanduyo nikunyalaisidwa kwawo ni ikanduyo. Mtume-chanasa ni utendele wa Mlungu iwe pa jwelejo-watite kuti : nditu ikandu yamkusawa mkuiganisyayo, chele ni chikulupililo chisyesyene chachikusamchingaga jenu manja pakumlekasya kuti nkawecheta ikandu yakusakala mu nganisyo syakusampaga Satana, ni ikusiyimnyalaya kuilumukula (kuiwecheta), ni ikusawa yaikulungwa m'mitima mwenu kuti wangasosa kuiwecheta, ligongo lyanti Satana nganakombola kwinjila nikusokonesya m'mitima mwenu,yaikusiyiwa yetindane ni mundu jwanti Satana wakombwele kwinjila mu Mtima mwakwe,ni nganakola chakumchinga ku yakusamsalila Satana kuti aipanganye kapena kuwecheta.