M'balanjeje buku ja Qur'an ndawi ni katema,nditu ngumlumbilila Mlungu jwakamulile umi wa Muhammad, nditu buku ja Qur'an jikusajanguya kuliwalika kupunda ngamila naga jigopoledwe pa lukonji pajatawidwe

Mtume-chanasa ni utendele wa Mlungu iwe pa jwelejo-akulamula yakujiwalanga buku ja Qur'an ndawi ni katema kuti mundu akajiliwalila panyuma pakujinjisya pa mtima pakwe. Mtume-chanasa ni utendele wa Mlungu iwe pa jwelejo-ni jwawechete mwakusimichisya pakulumbila kuti buku ja Qur'an jisajanguya kutyoka mmitima mwa wandu kupunda yajisati katyoche ngamila pa lukonji luwajitawile naga mundu ajigopwelemo nikujileka kuti jijaje.