Mlungu akusamnonyela kapolo jwakutenda malamusi gakwe nikuwambala yalekasisye, kapolo jwakusajikutila ni Mlungu kuwa jwakum'benda jwakwe kalikose, jwakulinanduya jwakusaka kusangalasya Mlungu jikape pa yakutenda yakwe

Mtume -chanasa ni utendele wa Mlungu iwe pa Mtumejo-alongoswele kuti Mlungu akusanonyela wane mwa achikapolo wakwe,

Wane mwa achikapolowo mwana wakogopa Mlungu: wakusatenda yalamwile Mlungu, nikuwaga wakuwambala yalekasisye Mlungu.

Mlungu nakusamnonyela kapolo jwakusalosya umi wakwikutila: jwakusajikutila ni kwegamila kwakwe mwa Mlungu pakuleka kwawenda wandu, ni wangagalauchilaga kwa jwamkana Mlungu pakusaka kwegamila payakusaka yawo.

Mlungu nakusamnonyela soni kapolo jwakusisa masengo gakwe ndawi jakukamula: mundu jwakusawaga jwakulinandiya,jwakusakamula masengo pakusaka kumsangalasya Mlungu jikape, jwakusatendaga ikandu yakumkamuchisya , soni ni wangasakaga kuti mundu jwalijose wamanye pa yambone yakutenda kapena kuti awechete ya mwanjawo pakwachemelela kapena kwayamichila.