Қул ҳуваллоҳу аҳад», Фалақ ва Нос сураларини эрталаб ва кеч уч марта айтинг, сизни барча ёмонликлардан сақлайди», – дедилар

Улуғ саҳоба Абдуллоҳ ибн Хубайб разияллоҳу анҳу хабар бериб айтадилар: Улар ёмғирли қоронғу тунда Расулуллоҳ соллаллоҳу алайҳи ва саллам уларга намоз ўқиб беришлари учун излаб чиқдилар ва У зотни топдилар. Шунда Набий соллаллоҳу алайҳи ва саллам уларга: «Айтинг», яъни, ўқинг дедилар. Ҳеч нарса ўқимадилар. Сўзларини яна қайтардилар. Шунда Абдуллоҳ: «Ё Расулуллоҳ, Нима ўқий», –дедилар. Шунда Набий соллаллоҳу алайҳи ва саллам айтдиларки: «Қул ҳуваллоҳу аҳад», яъни, Ихлос, «Қул аъузу бироббилфалақ», яъни, Фалақ, «Қул аъузу бироббиннас», яъни, Нос сураларини эрталаб ва кеч уч мартадан ўқинг, барча ёмонликлардан сақлайди ва ҳимоя қилади.