HadeethEnc · 1.36.0
”بے شک اللہ تعالیٰ نے میری خاطر میری امت سے غلطی، بھول چوک اور مجبوراً کرائے گئے کام کو معاف کر دیا ہے۔“
Available translations
Choose an available translation of this Hadeeth
01
Hadeeth text
عبداللہ بن عباس رضی اللہ عنہما سے روایت ہے کہ رسول اللہ ﷺ نے فرمایا: ”بے شک اللہ تعالیٰ نے میری خاطر میری امت سے غلطی، بھول چوک اور مجبوراً کرائے گئے کام کو معاف کر دیا ہے۔“
02
Explanation
اللہ کے نبی ﷺ بتا رہے ہیں کہ اللہ نے آپ کی امت سے درج ذیل تین احوال میں ہونے والے گناہوں کو معاف کر دیا ہے: 1- غلطی سے ہونے والے گناہ۔ یعنی ایسے گناہ جو بالارادہ نہ کیے گئے ہوں۔ مثلا کوئی مسلمان کوئی کام کرنے کا ارادہ کرے، لیکن اس سے کچھ اور ہو جائے۔ 2- بھول چوک سے ہونے والے گناہ۔ یعنی کسی مسلمان کو کوئی بات یاد تو ہو، لیکن جب کرنے کا وقت آئے، تو بھول جائے۔ ایسا ہونے پر کوئی گناہ نہيں ہے۔ 3- زور زبردستی سے کرایا گیا گناہ۔ کبھی کبھی ایسا ہوتا ہے کہ انسان کو کوئی ایسا کام کرنے پر مجبور کر دیا جاتا ہے، جسے وہ کرنا نہیں چاہتا اور اس کے پاس حالات کا مقابلہ کرنے کی طاقت بھی نہیں ہوتی۔ اس طرح کی صورت حال میں اسے کوئی گناہ نہیں ہوگا۔ یہاں یہ یاد رہے کہ اس حدیث کا تعلق ایسے گناہ سے ہے، جن کا تعلق بندہ اور اس کے رب سے ہو۔ کسی مامور فعل کو بھول جانے سے وہ ساقط نہيں ہو جاتا۔ اسی طرح اگر کسی کے بھول کر کوئی کام کردینے سے کسی مخلوق کا کچھ نقصان ہو جائے، تو مخلوق کا حق ساقط نہيں ہوگا۔ مثلا غلطی سے کسی کا قتل کر دے، تو دیت دینی ہوگی۔ اسی طرح کسی کی گاڑی کا نقصان کر دے، تو اس کا ہرجانہ دینا ہوگا۔
03
Benefits
بندوں پر اللہ کا بے پایاں لطف وکرم کہ اس نے مذکورہ احوال میں صادر ہونے والے گناہوں سے درگزر فرمایا ہے۔
محمد عربی ﷺ اور آپ کی امت پر اللہ کا فضل وکرم۔
گناہ نہ ہونے کا مطلب یہ نہیں ہے کہ حکم نافذ نہيں ہوگا اور ہرجانہ نہيں بھرنا پڑے گا۔ مثلا کوئی وضو کرنا بھول گیا اور یہ سمجھ کر کہ باوضو ہے، نماز پڑھ لی، تو اسے کوئی گناہ تو نہيں ہوگا، لیکن وضو کر کے دوبارہ نماز پڑھنی پڑے گی۔
زور زبردستی کی صورت میں گناہ نہ ہونے کے لیے اس کی شرطوں کا پایا جانا ضروری ہے۔ مثلا زبردستی کرنے والا وہ کام کرنے پر قادر بھی ہو، جس کی دھمکی وہ دے رہا ہے۔
محمد عربی ﷺ اور آپ کی امت پر اللہ کا فضل وکرم۔
گناہ نہ ہونے کا مطلب یہ نہیں ہے کہ حکم نافذ نہيں ہوگا اور ہرجانہ نہيں بھرنا پڑے گا۔ مثلا کوئی وضو کرنا بھول گیا اور یہ سمجھ کر کہ باوضو ہے، نماز پڑھ لی، تو اسے کوئی گناہ تو نہيں ہوگا، لیکن وضو کر کے دوبارہ نماز پڑھنی پڑے گی۔
زور زبردستی کی صورت میں گناہ نہ ہونے کے لیے اس کی شرطوں کا پایا جانا ضروری ہے۔ مثلا زبردستی کرنے والا وہ کام کرنے پر قادر بھی ہو، جس کی دھمکی وہ دے رہا ہے۔
Attribution
[اسے ابن ماجہ اور بیہقی وغیرہ نے روایت کیا ہے۔]
Categories
Share
Share hadeeth
Sharing options · 0 Total shares