{Ang sinumang sumumpa saka nagsabi sa panunumpa niya: "Sumpa man kina Allāt at Al`uzzā" ay magsabi siya ng: "Lā ilāha illa –llāh (Walang Diyos kundi si Allāh)." Ang sinumang nagsabi sa kasamahan niya: "Halika, makikipagsugal ako sa iyo" ay magkawanggawa siya.}

Ang pagsumpa ay hindi maaari malibang kay Allāh at sa mga pangalan Niya at mga katangian Niya.
Ang pagsumpa sa iba pa kay Allāh (napakataas Siya) ay ipinagbabawal, maging ang panunumpa ay sa mga anito gaya nina Allāt at Al`uzzā o ang panunumpa ay sa ipinagkakatiwala o ang panunumpa ay sa Propeta o ang iba pa roon.
Nagsabi si Al-Khaṭṭābīy: Ang pagsumpa ay sa sinasambang dinadakila lamang. Kaya kapag nanumpa siya kina Allāt at tulad nito, nakitulad nga siya sa mga tagatangging sumampalataya. Nag-utos ang Propeta na magwasto siya sa pamamagitan ng pangungusap ng Tawḥīd.
Hindi kailangan sa sinumang nanumpa sa iba pa kay Allāh ang isang panakip-sala ng pagsumpa. Inoobliga lamang sa kanya ang pagsisisi at ang paghingi ng tawad dahil ito ay higit na dakila kaysa sa magtakip-sala ka rito ng iba pa sa pagbabalik-loob.
Ang pagbabawal sa pagpusta sa lahat ng mga anyo nito at mga porma nito. Ito ay ang pagsusugal na ipinagbabawal ni Allāh (napakataas Siya) at iniugnay Niya sa alak at mga anito.
Ang pagkakinakailangan ng pagtalikod sa pagsuway sa sandali ng pagkagawa nito.
Ang sinumang nasadlak sa isang masagwang gawa, kailangan sa kanya na magpasunod dito ng isang magandang gawa dahil ang mga magandang gawa ay nag-aalis ng mga masagwang gawa.