Ang sinumang nagsaulo ng sampung talata mula sa simula ng Kabanatang Al-Kahf, isasanggalang siya laban sa Bulaang Kristo."} Sa isang salaysay: "mula sa hulihan ng Kabanatang Al-Kahf

Ang paglilinaw sa kainaman ng Kabanatang Al-Kahf at na ang mga simula nito o ang mga wakas nito ay nagsasanggalang laban sa tukso ng Bulaang Kristo.
Ang pagpapabatid tungkol sa nauukol sa Bulaang Kristo at ang paglilinaw sa kung ano ang magsasanggalang laban sa kanya.
Ang paghimok sa Kabanatang Al-Kahf nang buo; ngunit kung nawalang-kakayahan, isaulo ang unang sampung talata at ang huling sampung talata.
Nagsabi si Al-Qurṭubīy hinggil sa kadahilanan niyon: [Ito ay] dahil sa nasaad sa kuwento ng magkakasama sa yungib na mga kababalaghan at mga tanda kaya ang sinumang nakaalam nito ay hindi magtataka sa nauukol sa Bulaang Kristo at hindi manghihilakbot doon saka hindi matutukso dahil doon; at sinabi ring dahil sa sabi ni Allāh (Qur'ān 18:2): {upang magbabala ng isang matinding parusa mula sa nasa Kanya,} bilang pagdidiin sa pagtatangi sa parusa sa katindihan at pinagmulan. Ito ay nababagay sa anumang mula sa Bulaang Kristo na pag-aangkin ng pagkadiyos, pagsasapanginoon niya, at bigat ng tukso niya. Dahil doon, nagmabigat ang Propeta (basbasan siya ni Allāh at pangalagaan) ng nauukol sa kanya, nagbigay-babala ito laban sa kanya, at nagpakamapagpakupkop laban sa tukso niya. Kaya ang kahulugan ng ḥadīth ay na ang sinumang bumigkas ng mga talatang ito, nagnilay-nilay sa mga ito, at nakaalam sa kahulugan ng mga ito ay makapag-iingat at matitiwasay laban sa kanya.