Pinainom ko ang Propeta, pagpalain siya ni Allāh at pangalagaan, mula sa Zamzam at uminom siya habang siya ay nakatayo.

Ayon kay Ibnu `Abbās, malugod si Allāh sa kanilang dalawa, na nagsabi: "Pinainom ko ang Propeta, pagpalain siya ni Allāh at pangalagaan, mula sa Zamzam at uminom siya habang siya ay nakatayo." Ayon kay An-Nazzāl bin Sabrah, malugod si Allāh sa kanya, na nagsabi: "Pumunta si `Alīy sa pintuan ng Ar-Raḥbah at uminom nang nakatayo. Nagsabi ito: Tunay na ako ay nakakita sa Sugo ni Allāh, pagpalain siya ni Allāh at pangalagaan, na gumawa ng gaya ng nakita ninyo sa akin na ginawa ko." Ayon kay `Amr bin Shu`ayb, ayon sa ama nito, ayon sa lolo niyon, malugod si Allāh sa kanya, na nagsabi: "Nakita ko ang Sugo ni Allāh, pagpalain siya ni Allāh at pangalagaan, na umiinom nang nakatayo at nakaupo."