{Ang mahusay sa Qur'ān ay kasama ng mga tagapagtalang mararangal na mabubuting-loob. Ang nagbabasa ng Qur'ān at nauutal-utal dito habang siya rito ay nahihirapan ay magkakamit ng dalawang pabuya.}

Ang paghimok sa pagsasaulo ng Qur'ān, pagpapakadalubhasa rito, pagpapadalas ng pagbigkas nito para sa pagtamo ng pabuya at gantimpala, at paglilinaw sa kataasan ng katayuan ng sinumang gumawa niyon.
Nagsabi si Al-Qāḍī: Hindi ang kahulugan nito na ang nauutal dito ay ukol sa kanya mula sa pabuya ay higit na marami kaysa sa mahusay rito; bagkus ang mahusay ay higit na mainam at higit na marami sa pabuya dahil siya ay kasama ng mga [anghel na] tagatala at mayroon siyang gantimpala. Hindi binanggit ang katayuang ito para sa isa na iba pa sa kanya. Papaano mapapasama sa kanya ang hindi nagmalasakit sa Aklat ni Allāh (napakataas Siya), pagsasaulo nito, pagpapakadalubhasa nito, dalas ng pagbigkas nito, at pag-alam nito hanggang sa humusay rito?
Nagsabi si Shaykh Ibnu Bāz: Ang nagbabasa ng Qur'ān habang siya ay mahusay rito: ginagalingan niya ang pagbigkas niya at isinasaulo niya ito nang magaling, ay kasama ng mga tagatalang mararangal na mabubuting-loob. Nangangahulugan ito: Kapag bumibigkas siya nito sa salita at gawa, hindi sa payak na pagbigkas lamang: ginagalingan niya ang pagbigkas niya at isinasagawa niya, ito ay umiiral sa kanya sa pananalita at kahulugan.