నిశ్చయంగా, అల్లాహ్ కొన్ని బాధ్యతలను విధించాడు, కాబట్టి వాటిని వృధా చేయకండి. మరియు కొన్ని హద్దులు (నిబంధనలు) నిర్దేశించాడు, కాబట్టి వాటిని అతిక్రమించకండి. మరియు కొన్నింటిని నిషేధించాడు, కాబట్టి వాటిని ఉల్లంఘించకండి. మరియు మీపై దయ వలన, మరికొన్నింటి గురించి మౌనం దాల్చాడు; (అది) ఆయన మరచిపోవడంవల్ల కాదు, కాబట్టి మీరు వాటిని పరిశోధించకండి

అల్లాహ్ యే ధర్మశాసనకర్త అని ఈ హదీథు రుజువు చేస్తున్నది, కాబట్టి ప్రతివిషయం ఆయన చేతుల్లోనే ఉంటుంది, ఆయన సర్వలోపాలకు అతీతుడు, పరమ పవిత్రుడు.
ఈ హదీథ్‌లో షరీయత్ నియమాల యొక్క మూల సూత్రాలు – హుక్ము (తీర్పు) మరియు ఇబాహా (అనుమతి) – వివరించబడ్డాయి. ఎందుకంటే షరియత్ తీర్పు (హుక్మ్ షర‘య్) రెండు విధాలుగా ఉంటుంది: అది ఏదైనా విషయం గురించి మౌనంగా ఉండడం లేదా దాని గురించి స్పష్టంగా మాట్లాడడం. అది ఇలా ఉంటుంది: తప్పక చేయవలసిందిగా నిర్దేశించబడిన (వాజిబ్) ఆచరణలు లేదా వీలైనంత ఎక్కువగా చేయమని ప్రోత్సహించబడిన (సున్నతు) ఆచరణలు ; లేదా పూర్తిగా నిషేధించబడిన (హరామ్) ఆచరణలు లేదా అయిష్టకరమైనవిగా, అసహ్యకరమైనవిగా తెలుపబడిన (మక్రూహ్) ఆచరణలు ; లేదా అనుమతించబడి (ముబాహ్) ఆచరణలు ."
అల్లాహ్ దేని గురించి అయితే మౌనంగా ఉన్నాడో, దానినీ తప్పనిసరిగా చేయని విధిగావించలేదు, పరిమితం చేయలేదు లేదా నిషేధించలేదు - అది అనుమతించబడింది.
ప్రవక్త ﷺ యొక్క అద్భుతమైన వాక్చాతుర్యం కారణంగా, ఆయన సల్లల్లాహు అలైహి వసల్లం ఈ హదీథ్‌ను ఇంత స్పష్టమైన పదాలతో మరియు స్పష్టతతో కూడిన వర్గీకరణతో వివరించారు.
మహోన్నతుడైన అల్లాహ్ విధించిన వాజిబులను కాపాడుకోవడం తప్పనిసరి.
మహోన్నతుడైన అల్లాహ్ విధించిన హద్దులను అతిక్రమించడం నిషేధించబడింది.