“మీ సంపదలతో, మీ ఆత్మలతో (అంటే మీ ప్రాణాలు పణంగా పెట్టి), మరియు మీ నాలుకలతో బహుదైవారాధకులతో పోరాడండి.”

ఈ హదీథులో బహుదైవారాధకులకు వ్యతిరేకంగా జిహాద్‌ను ప్రోత్సహించడం కనిపిస్తుంది, ప్రతి ఒక్కరూ తమ సామర్థ్యం ప్రకారం వారు స్వయంగా జిహాద్ కొరకు బయలుదేరాలి, జిహాద్ కొరకు సంపదను ఖర్చు చేయాలి మరియు బహుదైవారాధకులతో సంవాదము జరుపడం, వారిని ఇస్లాం బోధనల వైపునకు ఆహ్వానించడం మొదలైన విధానాల ద్వారా ప్రయత్నించాలి. జిహాద్ శారీరక పోరాటానికి మాత్రమే పరిమితం కాదు.
జిహాద్ విషయానికి వస్తే షరియత్ యొక్క ఆదేశం ఏమిటంటే – అది వాజిబ్ (విధి). అది ప్రతి ఒక్కరిపై వ్యక్తిగతంగా విధి కావచ్చు, లేక సామూహికంగా విశ్వాసులందరిపై విధి కావచ్చు.
అల్లాహ్ జిహాద్‌ను అనేక కారణాల వల్ల ఆదేశించినాడు, వాటిలో: మొదటిది: బహుదైవారాధనను మరియు బహుదైవారాధకులను వ్యతిరేకించడం, ఎందుకంటే బహుదైవారాధనను అల్లాహ్ ఎన్నడూ అంగీకరించడు. రెండవది: అల్లాహ్ వైపునకు, ఆయన సందేశం వైపునకు పిలవడానికి అడ్డుగా ఉన్న ఆటంకాలను తొలగించడం. మూడవది: అల్లాహ్ పట్ల, ఆయన ధర్మం పట్ల విశ్వాసాన్ని వ్యతిరేకించే ప్రతిదాని నుండి రక్షించడం. నాల్గవది: ముస్లింలను, వారి మాతృభూమిని, వారి గౌరవాన్ని మరియు వారి సంపదలను రక్షించడం.