“ఎవరైతే ఉత్తమ రీతిలో ఉదూ చేస్తాడో అతని పాపాలు అతని శరీరం నుండి బయటకు వెళ్ళిపోతాయి, చివరికి అతని గోళ్ళ క్రింద నుండి కూడా బయటకు వెళ్ళిపోతాయి.”

ఇందులో ఉదూ సున్నత్ విధానం ప్రకారం ఏ విధంగా చేయాలి, ఉదూ ఆచరణలో ఏఏ విషయాలున్నాయి మొదలైన వాటిని నేర్చుకోవాలనే ప్రొత్సాహం ఉన్నది.
అలాగే ఇందులో ఉదూ యొక్క ఘనత గురించి తెలుస్తున్నది – ఉదూ చెడుపనులకు, పాపకార్యాలకు పరిహారంగా మారుతుంది అని తెలుస్తున్నది. అయితే ‘కబాయిర్ పాపములు’ అతడి నుంచి దూరం కావు. వాటి కొరకు అతడు మనస్ఫూర్తిగా పశ్చాత్తాప పడాలి, అల్లాహ్ ను క్షమాభిక్ష కొరకు వేడుకోవాలి.
ఉదూ చేయు వాని నుండి అతని పాపములు దూరం కావడం కొరకు నియమం ఏమిటంటే,ప్రవక్త సల్లల్లాహు అలైహి వసల్లం బోధించిన విధంగా, అతడు ఆ ఉదూ ను ప్రారంభము నుండి చివరి వరకు ఎటువంటి భంగము, తొందర లేకుండా ఆచరించడం.
ఈ హదీసులో తెలుపబడిన “పాపములు తొలగిపోవుట” అనే విషయము, ఉదూ చేయు వాడు ‘కబాయిర్’ లనుండి (పెద్ద పాపముల నుండి) దూరంగా ఉండుట అనే దానితో ముడిపడి ఉన్నది. దివ్య ఖుర్’ఆన్’లో అల్లాహ్ ఇలా పేర్కొన్నాడు: “ఒకవేళ మీకు నిషేధించబడినటువంటి మహా పాపాలకు మీరు దూరంగా ఉంటే, మేము మీ చిన్నచిన్న దోషాలను మన్నించి, మిమ్మల్ని గౌరవ స్థానాల్లోకి ప్రవేశింపజేస్తాము. (సూరహ్ అన్’నిసా 4:31)